ଭାସ୍କୋ: ସୁପର ସନଡେ ହାଇଦ୍ରାବାଦ ଏଫସି ପାଇଁ ହୋଇଛି ଶୁଭଙ୍କର । ସ୍ଥାନୀୟ ତିଳକ ମଇଦାନ ଷ୍ଟାଡିୟମରେ ରବିବାର ଖେଳାଯାଇଥିବା ଇଣ୍ଡିଆନ ସୁପର ଲିଗର ମ୍ୟାଚରେ ଚେନ୍ନାଇଆନ ଏଫସିକୁ 2-0ରେ ହରାଇଛି ହାଇଦ୍ରାବାଦ । ଏଥିସହ ISL ର ପ୍ଲେ-ଅଫ ଆଶା ଉଜ୍ଜିବୀତ ରଖିଛି ।
ମ୍ୟାଚର 28ତମ ମିନିଟରେ ଫ୍ରାନ ସାଣ୍ଡାଜା ଓ 82 ତମ ମିନିଟରେ ଜୋଏଲ ଚାଇନିଜ ଗୋଲ୍ କରିଥିଲେ । ଫଳରେ ବିଜୟ ସହ ପଏଣ୍ଟ ଟେବୁଲର ତୃତୀୟ ସ୍ଥାନକୁ ଉନ୍ନୀତ ହୋଇଛି ହାଇଦ୍ରାବାଦ ।
ମ୍ୟାଚ ଆରମ୍ଭରୁ ହାଇଦ୍ରାବାଦ ନିଜର ଆଭିମୁଖ୍ୟ ସ୍ପଷ୍ଟ କରିଥିଲା । ଆକ୍ରମଣାତ୍ମକ ରଣନୀତି ସହ ମ୍ୟାଚ ଆରମ୍ଭର ମାତ୍ର 5ମିନିଟ ମଧ୍ୟରେ କର୍ଣ୍ଣର ହାସଲ କରିଥିଲା । ଏଥିସହ ଲଢୁଆ ଡିଫେଣ୍ଡିଂ ସହ ମ୍ୟାଚ ଶେଷ ପର୍ଯ୍ୟନ୍ତ ଚେନ୍ନାଇଆନ ଏଫସିକୁ ଗୋଲ୍ କରିବାକୁ ସୁଯୋଗ ଦେଇନଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
