ISL-6: ଓଡିଶା-କେରଳ ମ୍ୟାଚ ଡ୍ର

ଘରୋଇ ଗ୍ରାଉଣ୍ଡରେ ଓଡିଶା ଏଫ୍‌ସି ନିଜର ଶେଷ ଲିଗ୍‌ ମ୍ୟାଚରେ କେରଳ ବ୍ଲାଷ୍ଟର୍ସ ବିପକ୍ଷରେ ମ୍ୟାଚକୁ ଡ୍ର ରଖିଛି ।

ଭୁବନେଶ୍ବର: ରବିବାର ଘରୋଇ ଗ୍ରାଉଣ୍ଡରେ ଓଡିଶା ଏଫ୍‌ସି ନିଜର ଶେଷ ଲିଗ୍‌ ମ୍ୟାଚରେ କେରଳ ବ୍ଲାଷ୍ଟର୍ସକୁ ଭେଟିଛି । ଚଳିତ ସିଜିନ୍‌ରେ ରବିବାର ଓଡିଶା ତା'ର ଅନ୍ତିମ ମ୍ୟାଚରେ ନିଜର ଶାନଦାର ପ୍ରଦର୍ଶନ କରିଛି । ଉଭୟ ଦଳ ମଧ୍ୟରେ ରୋମାଞ୍ଚକର ମ୍ୟାଚ ଦେଖିବାକୁ ମିଳିଥିଲା । ଉଭୟ ଦଳ ମଧ୍ୟରେ ମ୍ୟାଚ 4-4ଗୋଲ୍‌ରେ ଡ୍ର ରହିଛି ।

ଫଟୋ ସୌଜନ୍ୟ:@IndSuperLeague

ଆରମ୍ଭରୁ ଓଡିଶା ଏଫ୍‌ସି ବିପକ୍ଷ ଦଳକୁ ଚାପରେ ରଖିଥିଲା । ଓଡିଶା ପକ୍ଷରୁ ଓନ୍ୟୁ ମ୍ୟାଚ ଆରମ୍ଭରେ 1ମିନିଟ୍‌ରେ ଗୋଲ୍‌ ଦେଇ 1-0ରେ ସ୍କୋରକୁ ଆଣିଥିଲେ । ଏହାପରେ କେରଳ ପକ୍ଷରୁ 6ମିନିଟ୍‌ରେ ଓଡିଶାକୁ ଏକ ଗୋଲ୍‌ ଦେଇ ମ୍ୟାଚକୁ ବରାବାର 1-1କୁ ଆଣିଥିଲେ । ଏହାପରେ କେରଳ ପକ୍ଷରୁ 28ମିନିଟ୍‌ରେ ମେସି ଆଉ ଏକ ଗୋଲ୍‌ ଦେଇ 2-1ରେ ଆଗୁଆ ରହିଥିଲା । କିନ୍ତୁ ଓଡିଶା ପକ୍ଷରୁ ଓନ୍ୟୁ 36ମିନିଟ୍‌ରେ ଓ ପିରେଜ୍‌ 44ମିନିଟ୍‌ରେ କେରଳକୁ ଗୋଲ୍‌ ଦେଇଥିଲେ । ଫଳରେ ପ୍ରଥମାର୍ଦ୍ଧ ସୁଦ୍ଧା ଓଡିଶା 3-2ରେ ଆଗୁଆ ରହିଥିଲା ।

ଦ୍ବିତୀୟାର୍ଦ୍ଧରେ 51ମିନିଟ୍‌ରେ ଓଡିଶା ପକ୍ଷରୁ ଓନ୍ୟୁ ପୁଣି ଏକ ଗୋଲ୍‌ ଦେଇ 4-2କୁ ସ୍କୋରକୁ ଆଣିଥିଲେ । ଏହାପରେ ମ୍ୟାଚର 82ମିନିଟ୍‌ ଓ 90ମିନିଟ୍‌ରେ କେରଳ ପକ୍ଷରୁ ଓଡିଶା ଗୋଲ୍‌ ଦେଇ ମ୍ୟାଚକୁ ବରାବର୍‌କୁ ଆଣିଥିଲେ । ନିର୍ଦ୍ଧାରିତ ସମୟରେ ଓଡିଶା-କେରଳର ସ୍କୋର 4-4 ରହିଥିଲା ।

ତେବେ ଏହି ମ୍ୟାଚରେ ଓଡିଶା ପକ୍ଷରୁ 3ଟି ଗୋଲ୍‌ ଦେଇଥିବା ମାନୁଏଲ ଓନ୍ୟୁଙ୍କୁ ହିରୋ ଅଫ୍‌ ଦ ମ୍ୟାଚର ପୁରସ୍କାର ମିଳିଛି ।