ଲିଡସ: କୋରୋନା ଭାଇରସ(COVID-19) ସଂକ୍ରମଣର ଶିକାର ହୋଇଛନ୍ତି ଆଉ ଜଣେ ଫୁଟବଲ ଖେଳାଳି । ପୂର୍ବତନ ମାଞ୍ଚେଷ୍ଟର ୟୁନାଇଟେଡ ମିଡଫିଲ୍ଡର ମାରଉନ ଫେଲାଇନିଙ୍କ ଟେଷ୍ଟ ରିପୋର୍ଟ ପଜିଟିଭ ଥିବା ଜଣାପଡିଛି ।
ଫେଲାଇନ ବର୍ତ୍ତମାନ ଚାଇନାରେ ଅଛନ୍ତି । ଜିହାନ ସ୍ବାସ୍ଥ୍ୟ ବିଭାଗ ପକ୍ଷରୁ ଫେଲାଇନ କୋରୋନା ସଂକ୍ରମିତ ଥିବା ସୂଚନା ଦିଆଯାଇଛି । ତେବେ 32 ବର୍ଷିୟ ଫେଲାଇନି ଚାଇନିଜ ସୁପର ଲିଗ(CSL)ର ସାଣ୍ଡଙ୍ଗ ନ୍ୟୁନେଙ୍ଗ ଟିମର ପ୍ରମୁଖ ଖେଳାଳି ରହିଛିନ୍ତି । ଚାଇନିଜ ସୁପର ଲିଗର ପ୍ରଥମ ଖେଳାଳି ଭାବେ ଫେଲାଇନି କୋରୋନା ସଂକ୍ରମିତ ହୋଇଛନ୍ତି ।
ମହାମାରୀ କୋରୋନା ଭାଇରସ ବିଶ୍ବରେ ଆତଙ୍କ ଖେଳାଇଛି । ମୃତ୍ୟୁସଂଖ୍ୟାରେ ଇଟାଲି ଚାଇନାକୁ ଟପି ଯାଇଛି । ଇଟାଲିରେ ଏଯାବତ 47,000ରୁ ଅଧିକ ଲୋକେ ସଂକ୍ରମିତ ଥିବାବେଳେ, 4000ରୁ ଅଧିକ ଲୋକ ଜୀବନ ହରାଇସାରିଲେଣି ।
