ନୂଆଦିଲ୍ଲୀ: ଘୋଷଣା ହେଲା ଇଣ୍ଡିଆନ ସୁପର ଲିଗର ପ୍ଲେ-ଅଫ ସୂଚୀ। ଲଗାତାର ଦ୍ବିତୀୟ ବର୍ଷ ପାଇଁ ଗୋଆର ଫାତୋର୍ଦାରେ ଥିବା ଜବାହରଲାଲ ନେହୁରୁ ଷ୍ଟାଡିୟମରେ ଆଇଏସଏଲ-7ର ଫାଇନାଲ ମ୍ୟାଚ ଖେଳାଯିବ। ମାର୍ଚ୍ଚା ତାରିଖରେ ଏହି ମ୍ୟାଚ ଖେଳାଯିବ। ଆଇଏସଏଲ-7ର ଆୟୋଜକ ଫୁଟବଲ ସ୍ପୋର୍ଟସ ଡେଭଲପମେଣ୍ଟ ଲିମିଟେଡ ପକ୍ଷରୁ ଏହାକୁ ନେଇ ବୁଧବାର ବିଧିବଦ୍ଧ ଭାବରେ ସୂଚନା ଦିଆଯାଇଛି।
ଏହାରି ଭିତରେ 5ରୁ 9 ତାରିଖ ମଧ୍ୟରେ ସେମିଫାଇନାଲ ମୁକାବିଲା ଆରମ୍ଭ ହେବ। ଏହି ସେମିଫାଇନାଲ ମଧ୍ୟ ଗୋଆର ଫାତୋର୍ଦା ଓ ବମ୍ବୋଲିମର ଜିମସି ଷ୍ଟାଡିୟମରେ ଖେଳାଯିବ। ସେମିଫାଇନାଲର ପ୍ରଥମ ଚରଣ ମାର୍ଚ୍ଚ 5 ଓ 6 ତାରିଖ ଖେଳାଯିବ। ଏହାପରେ ଦ୍ବିତୀୟ ଚରଣ ମାର୍ଚ୍ଚ 8 ଓ 9 ତାରିଖରେ ଖେଳାଯିବ। ସେମିଫାଇନାଲରେ କେତେକ ଗୁରୁତ୍ବପୂର୍ଣ୍ଣ ନିୟମ ଲାଗୁ ହେବ।
ଫେବୃଆରୀ 28 ତାରିଖରେ ଆଇଏସଏଲ-7ର ଲିଗ ପର୍ଯ୍ୟାୟ ମ୍ୟାଚ ଶେଷ ହେବ। ଶେଷ ମ୍ୟାଚ ଏଟିକେ ମୋହନ ବାଗାନ ଓ ମୁମ୍ବାଇ ସିଟି ଏଫସି ମଧ୍ୟରେ ଖେଳାଯିବ। ଦୁଇଟି ଯାକ ଟିମ ପ୍ଲେ-ଅଫରେ ପହଞ୍ଚି ସାରିଛନ୍ତି। ଲିଗ ପର୍ଯ୍ୟାୟ ଶେଷ ହେବା ପରେ ଶୀର୍ଷରେ ଥିବା ଟିମକୁ ଲିଗ ଶିଳ୍ଡ ୱିନର୍ସ ସମ୍ମାନରେ ସମ୍ମାନୀତ କରାଯିବ। ସେହି ଟିମକୁ ଆଗାମୀ ଆଇଏସଏଲ ସିଜିନର ଗ୍ରୁପଚରଣକୁ ପ୍ରବେଶ ଟିକଟ ମିଳିବ।
ବ୍ୟୁରୋ ରିପୋର୍ଟ, ଇଟିଭି ଭାରତ
