ଦୁରହମ: ଭାରତୀୟ କ୍ରିକେଟ ଟିମ କ୍ୟାପଟେନ ବିରାଟ କୋହଲି, ଟୋକିଓ ଅଲମ୍ପିକ୍ସ ଅଂଶଗ୍ରହଣକାରୀ ଆଥଲେଟଙ୍କୁ ଉତ୍ସାହିତ କରିବାକୁ ଦେଶବାସୀଙ୍କୁ ଅପିଲ କରିଛନ୍ତି । ଜୁଲାଇ ୨୩ରୁ ଅଗଷ୍ଟ ୮ ପର୍ଯ୍ୟନ୍ତ ଏହି ମେଗା କ୍ରୀଡା ଇଭେଣ୍ଟ ଖେଳାଯିବ । ଟୋକିଓ ଅଲମ୍ପିକ୍ସରେ ଭାରତୀୟ ଆଥଲେଟଙ୍କ ଦମଦାର ପ୍ରଦର୍ଶନ ଦେଖିବାକୁ ସମସ୍ତ ଭାରତୀୟଙ୍କୁ ଅପିଲ କରିଛନ୍ତି କୋହଲି ।
-
#TeamIndia captain @imVkohli is cheering for our athletes at @Tokyo2020 👍 👍
— BCCI (@BCCI) July 18, 2021 " class="align-text-top noRightClick twitterSection" data="
Let's join him and #Cheer4India 🇮🇳 👏 👏@IndiaSports | @Media_SAI | @WeAreTeamIndia pic.twitter.com/6vBjwi0nXw
">#TeamIndia captain @imVkohli is cheering for our athletes at @Tokyo2020 👍 👍
— BCCI (@BCCI) July 18, 2021
Let's join him and #Cheer4India 🇮🇳 👏 👏@IndiaSports | @Media_SAI | @WeAreTeamIndia pic.twitter.com/6vBjwi0nXw#TeamIndia captain @imVkohli is cheering for our athletes at @Tokyo2020 👍 👍
— BCCI (@BCCI) July 18, 2021
Let's join him and #Cheer4India 🇮🇳 👏 👏@IndiaSports | @Media_SAI | @WeAreTeamIndia pic.twitter.com/6vBjwi0nXw
ପିଭି ସିନ୍ଧୁଙ୍କ ନେତୃତ୍ବରେ ଭାରତୀୟ ଅଲମ୍ପିକ ବ୍ୟାଡମିଣ୍ଟନ ଟିମ ଓ ଟେବୁଲ ଟେନିସ ଟିମ ଟୋକିଓ ଅଲମ୍ପିକ୍ସ ପାଇଁ ଅଲମ୍ପିକ ଭିଲେଜ ଯାତ୍ରା କରିବାକୁ ଅନୁମତି ଲାଭ କରିଛନ୍ତି । ଅଲମ୍ପିକ୍ସରେ ଅଂଶଗ୍ରହଣକାରୀ ଆଥଲେଟ୍ଙ୍କ ପାଇଁ ଏଠାରେ ରହିବା ସହ ସ୍ବତନ୍ତ୍ର ବ୍ୟବସ୍ଥା ହୋଇଛି । ରବିବାର ୫୪ ଆଥଲେଟଙ୍କ ସମେତ ମୋଟ ୮୮ ଜଣିଆ ଭାରତୀୟ ଅଲମ୍ପିକ ଟିମ ଟୋକିଓରେ ପହଞ୍ଚିଛି । ମୋଟ ୧୨୭ ଆଥଲେଟ୍ସ ଟୋକିଓ ଅଲମ୍ପିକ୍ସରେ ଭାରତର ପ୍ରତିନିଧିତ୍ବ କରିବେ, ଏହି ସଂଖ୍ୟା ଏଯାବତ ଭାରତର ସର୍ବାଧିକ । ତୀରନ୍ଦାଜ, ବ୍ୟାଡମିଣ୍ଟନ, ଟେବୁଲ ଟେନିସ, ହକି, ଜୁଡୋ, ଜିମ୍ନାଷ୍ଟିକ୍ସ, ସୁଇମିଂ ଓ ଭାରୋତ୍ତଳନର ଖେଳାଳି ଓ ଅଧିକାରୀଙ୍କୁ ନେଇ ନୂଆଦିଲ୍ଲୀରୁ ଉଡାଣ ଭରିଥିବା ସ୍ବତନ୍ତ୍ର ଏୟାର ଇଣ୍ଡିଆ ବିମାନ ଜାପାନର ରାଜଧାନୀ ଟୋକିଓରେ ପହଞ୍ଚିଛି।
ମେରୀ କମ ଓ ଅମିତ ପଙ୍ଘଲଙ୍କ ନେତୃତ୍ବରେ ଭାରତୀୟ ବକ୍ସିଂ ଟିମ ମଧ୍ୟ ରବିବାର ଇଟାଲିରୁ ଟୋକିଓରେ ପହଞ୍ଚିଛି । ଅଲମ୍ପିକ୍ସ ପାଇଁ ଇଟାଲିରେ କଡା ପ୍ରସ୍ତୁତି କରିଥିବା ଭାରତୀୟ ବକ୍ସିଂ ଟିମ ଶନିବାର ଟୋକିଓ ଅଭିମୁଖେ ଯାତ୍ରା କରିଥିଲା ।
ପୁରୁଷ ବକ୍ସିଂ ଟିମରେ ରହିଛନ୍ତି, ଏସିଆନ ଗେମ୍ସ ଚମ୍ପିଆନ ପଙ୍ଘଲ(୫୨ କିଲୋଗ୍ରାମ), ମନୀଷ କୌଶିକ(୬୩ କିଲୋଗ୍ରାମ), ବିକାଶ କ୍ରୀଷନ(୬୯ କିଲୋଗ୍ରାମ), ଆଶିଷ କୁମାର(୭୫ କିଲୋଗ୍ରାମ), ସତୀଶ କୁମାର(+୯୧ କିଲୋଗ୍ରାମ) । ମହିଳା ଟିମରେ ମେରୀ କମ(୫୧ କିଲୋଗ୍ରାମ), ସିମ୍ରନଜିତ କୌର(୬୦ କିଲୋଗ୍ରାମ), ଲଭଲିନା ବୋରଗୋହେନ(୬୯ କିଲୋଗ୍ରାମ) ଓ ପୂଜା ରାନୀ(୭୫ କିଲୋଗ୍ରାମ) ।
ଶନିବାର ରାତ୍ରିରେ, କେନ୍ଦ୍ର କ୍ରୀଡା ମନ୍ତ୍ରୀ ଅନୁରାଗ ଠାକୁର ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନବନ୍ଦର, ନୂଆଦିଲ୍ଲୀରେ ପହଞ୍ଚି ଶୁଭେଚ୍ଛା, ଶୁଭକାମନା ସହ ତାଳି ମାରି ଔପଚାରିକ ଭାବେ ଭାରତୀୟ ଖେଳାଳିଙ୍କୁ ଯାତ୍ରା ଅନୁମତି ପ୍ରଦାନ କରିଥିଲେ । IGI ବିମାନବନ୍ଦର ଭାରତୀୟ ଅଲମ୍ପିକ ଇତିହାସର ଐତିହାସିକ ମୂହୂର୍ତ୍ତର ସାକ୍ଷୀ ପାଲଟିଥିଲା । ଭାରତୀୟ ଅଲମ୍ପିକ ଅଂଶଗ୍ରହଣକାରୀ ଖେଳାଳି ରେଡ୍ କାର୍ପେଟରେ ଚାଲିଥିଲେ । ଅଲମ୍ପିକ୍ସ ଖେଳରେ ଦେଶର ପ୍ରତିନିଧିତ୍ବ କରିବାକୁ ଯାତ୍ରା କରୁଥିବା ଖେଳାଳିଙ୍କ ପାଇଁ ଏହି ସ୍ବତନ୍ତ୍ର ବ୍ୟବସ୍ଥା କରିଥିଲେ ଭାରତ ସରକାର ।
ଏହି ଯାତ୍ରା ଉତ୍ସବରେ କ୍ରୀଡାରାଜ୍ୟ ମନ୍ତ୍ରୀ ନୀତିଶ ପ୍ରାମାଣିକ, SAI ନିର୍ଦ୍ଦେଶକ ସନ୍ଦୀପ ପ୍ରଧାନ, ସଭାପତି ନରିନ୍ଦର ବାତ୍ରା ଓ ସମ୍ପାଦକ ରାଜୀବ ମେହେଟ୍ଟାଙ୍କ ସମେତ ଭାରତୀୟ ଅଲମ୍ପିକ ସଂଘ(IOA)ର ଅଧିକାରୀ ମଧ୍ୟ ଉପସ୍ଥିତ ରହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
