ଦୁବାଇ: ୧୯ ବର୍ଷରୁ କମ ଏସିଆ କପ୍ ଫାଇନାଲ ମୁକାବିଲା ଭାରତ ଓ ଶ୍ରୀଲଙ୍କା ମଧ୍ୟରେ ଖେଳାଯାଉଛି । ଭାରତ ସାମ୍ନାରେ ୩୮ ଓଭରରେ ବିଜୟ ଲକ୍ଷ୍ୟ ୯୯ ରନ୍ ରହିଛି । ଶ୍ରୀଲଙ୍କା ଇଂନିସରେ ବର୍ଷା ଯୋଗୁଁ ମ୍ୟାଚ୍ ସଂପୂର୍ଣ୍ଣ ୫୦ ଓଭର ଖେଳାଯିବା ସମ୍ଭବ ହୋଇପାରିନଥିଲା ।
ଫଳରେ ଓଭର ସଂଖ୍ୟା ୩୮କୁ କମାଇଦିଆଯିବା ସହ DLS ନିୟମ ଅନୁଯାୟୀ ଭାରତକୁ ୯୯ ରନ୍ର ବିଜୟ ଲକ୍ଷ୍ୟ ମିଳିଛି । ଶ୍ରୀଲଙ୍କା ପ୍ରଥମେ ବ୍ୟାଟିଂ କରି ୩୮ ଓଭରରେ ୯ ୱିକେଟ ହରାଇ ୧୦୬ ରନ୍ କରିବାକୁ ସମର୍ଥ ହୋଇଥିଲା ।
ଏହାମଧ୍ୟ ପଢନ୍ତୁ: ସେଞ୍ଚୁରିଅନରେ ସ୍ମରଣୀୟ ବିଜୟ ସହ ବର୍ଷ ଶେଷ କଲା ଟିମ ଇଣ୍ଡିଆ
ଭାରତ ପକ୍ଷରୁ ଭିକି ଓସ୍ତୱାଲ ସର୍ବାଧିକ ୩ଟି ଓ କୁଶାଲ ତାମ୍ବେ ୨ଟି ୱିକେଟ ହାସଲ କରିଛନ୍ତି । ରାଜବର୍ଦ୍ଧନେ ହଙ୍ଗରଗେକର, ରବି କୁମାର ଓ ରାଜ ବାୱାଙ୍କୁ ଗୋଟିଏ ଲେଖାଏଁ ୱିକେଟ ମିଳିଛି ।
ଅନ୍ୟପଟେ ଭାରତୀୟ ବୋଲରଙ୍କ ଘାତକ ବୋଲିଂ ସାମ୍ନାରେ ଧରଶାୟୀ ହୋଇଛି ଶ୍ରୀଲଙ୍କା । ଟିମର ୬ଜଣ ଖେଳାଳି ଦୁଇଅଙ୍କ ସ୍କୋର ପାର୍ କରିପାରିନାହାନ୍ତି । ୟାସିରୁ ରୋଡ୍ରିଗୋ ସର୍ବାଧିକ ୧୯ ଓ ରବିନ ଦି ସିଲଭା ୧୫ ରନ୍ର ଇଂନିସ ଖେଳିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
