ମେଲବୋର୍ଣ୍ଣ: ସରିଛି ଟି୨୦ ବିଶ୍ବକପ ଦୌଡ଼ । ପାକିସ୍ତାନକୁ ଇତିହାସ ରଚିବାକୁ ସୁଯୋଗ ଦେଲାନି ଇଂରାଜୀ ଦଳ । ଚଳିତ ବିଶ୍ବକପ ଆରମ୍ଭରୁ ଶକ୍ତିଶାଳୀ ନଜର ଆସୁଥିବା ବଟଲର ବାହିନୀ ପାକିସ୍ତାନକୁ ହରାଇ ବିଶ୍ବ ବିଜେତା ବନିଛି । ତେବେ ହାରିବା ପରେ ପ୍ରତିକ୍ରିୟା ରଖି ଇଂଲଣ୍ଡକୁ ଶୁଭେଚ୍ଛା ଜଣାଇଛନ୍ତି ପାକିସ୍ତାନ ଅଧିନାୟକ ବାବର ଆଜମ । ବିଶ୍ବରେ ଆମ ବୋଲିଂ ସବୁଠାରୁ ଶକ୍ତିଶାଳୀ ବୋଲି ପୋଷ୍ଟ୍ ମ୍ୟାଚ୍ ପ୍ରେଜେଣ୍ଟେସନରେ କହିବା ସହ ବ୍ୟାଟିଂରେ ଆମେ ୨୦ ରନ ପଛରେ ରହିଯାଇଥିଲୁ ବୋଲି କହିଛନ୍ତି ପାକ୍ ଅଧିନାୟକ ।
ଟି୨୦ ବିଶ୍ବକପ ଜିତି ବିଶ୍ବ ବିଜେତା ବନିଛି ଇଂଲଣ୍ଡ । ୧୨ ବର୍ଷ ପରେ ପୁଣି ଥରେ ଟି୨୦ ବିଶ୍ବକପ ହାତେଇବାରେ ସଫଳ ହୋଇଛି ଇଂରାଜୀ ଦଳ । ମେଲବୋର୍ଣ୍ଣରେ ଖେଳାଯାଇଥିବା ଫାଇନାଲ ମ୍ୟାଚରେ ପାକିସ୍ତାନକୁ ୫ ୱିକେଟରେ ହରାଇ ବିଶ୍ବକପ ହାତେଇଛି ଇଂଲଣ୍ଡ । ଏହା ସହିତ ଦୀର୍ଘ ୩୦ ବର୍ଷ ପରେ ପାକିସ୍ତନଠାରୁ ବିଶ୍ବକପର ପ୍ରତିଶୋଧ ନେଇଛି ଇଂଲଣ୍ଡ । ବାବର ବାହୀନି ଦୀର୍ଘ ୩୦ ବର୍ଷ ପରେ ପୁଣିଥରେ ଇଂଲଣ୍ଡକୁ ହରାଇ ଇତିହାସର ପୁନରାବୃତ୍ତି ଘଟାଇବାର ଲକ୍ଷ୍ୟ ରଖିଥିବା ବେଳେ ଫଳାଫଳ ଓଲଟା ହୋଇଛି । ୧୯୯୨ ଦିନିକିଆ ବିଶ୍ବକପର ବଦଲା ନେଇଛି ଇଂଲଣ୍ଡ । ତେବେ ଏହା ପୂର୍ବରୁ ଇଂଲଣ୍ଡ ୨୦୧୦ ମସିହରେ ଟି୨୦ ବିଶ୍ବକପ ହାତେଇଥିଲା । ଦୀର୍ଘ ୧୨ ବର୍ଷ ପରେ ଇଂଲଣ୍ଡର ଟି୨୦ ବିଶ୍ବକପ ଅପେକ୍ଷାର ଅନ୍ତ ଘଟିଛି । ଅଧିନାୟକ ଜୋସ୍ ବଟଲରଙ୍କ ନେତୃତ୍ବରେ ଦଳ ୨୦୨୨ ଟି୨୦ ବିଶ୍ବକପ ହାତେଇବାରେ ସଫଳ ହୋଇଛି ।
