ନୂଆଦିଲ୍ଲୀ: ଦିନିକିଆ କ୍ୟାରିଅରରେ ଏକ ନୂଆ ମାଇଲଷ୍ଟୋନ ଛୁଇଁଛନ୍ତି ଭାରତୀୟ ମହିଳା କ୍ରିକେଟ ଦଳର ପ୍ରମୁଖ ଫାଷ୍ଟ ବୋଲର ଝୁଲଣ ଗୋସ୍ବାମୀ । ବିଶ୍ବର ପ୍ରଥମ ମହିଳା କ୍ରିକେଟର ଭାବରେ ଦିନିକିଆ ମ୍ୟାଚ୍ରେ ୨୫୦ ୱିକେଟ ନେଇଛନ୍ତି ଝୁଲଣ । ବୁଧବାର ଇଂଲଣ୍ଡ ବିପକ୍ଷରେ ଖେଳାଯାଇଥିବା ମ୍ୟାଚ୍ରେ ଝୁଲଣ ଗୋସ୍ବାମୀ ଏହି କୀର୍ତ୍ତିମାନ ହାସଲ କରିଛନ୍ତି ।
-
Milestone 🚨 - 250 wickets in ODIs for @JhulanG10 👏👏#CWC22 pic.twitter.com/g0f1CqT3Sl
— BCCI Women (@BCCIWomen) March 16, 2022 " class="align-text-top noRightClick twitterSection" data="
">Milestone 🚨 - 250 wickets in ODIs for @JhulanG10 👏👏#CWC22 pic.twitter.com/g0f1CqT3Sl
— BCCI Women (@BCCIWomen) March 16, 2022Milestone 🚨 - 250 wickets in ODIs for @JhulanG10 👏👏#CWC22 pic.twitter.com/g0f1CqT3Sl
— BCCI Women (@BCCIWomen) March 16, 2022
ନିକଟରେ ସେ ଅନ୍ତର୍ଜାତୀୟ କ୍ରିକେଟରେ ୩୫୦ ୱିକେଟ ହାସଲ କରିବା କୀର୍ତ୍ତିମାନ ହାସଲ କରିଥିଲେ । ୱେଷ୍ଟ-ଇଣ୍ଡିଜ୍ ବିପକ୍ଷରେ ସେ ଏହି ଉପଲବ୍ଧି ହାସଲ କରିଥିଲେ । ଖାଲି ସେତିକି ନୁହେଁ ବିଶ୍ବକପରେ ସବୁଠାରୁ ଅଧିକ ୱିକେଟ ହାସଲ କରିବା ରେକର୍ଡ ମଧ୍ୟ ଝୁଲଣଙ୍କ ନାମରେ ରହିଛି ।
ବୁଧବାର ICC ମହିଳା କ୍ରିକେଟ ଦିନିକିଆ ବିଶ୍ବକପର ୧୫ଶ ଲିଗ ମ୍ୟାଚ୍ ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଇଥିଲା । ଏଥିରେ ଭାରତକୁ ଇଂଲଣ୍ଡଠାରୁ ୪ ୱିକେଟରେ ପରାଜିତ ହେବାକୁ ପଡ଼ିଛି । ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇ ଭାରତ ମାତ୍ର ୩୬ ଓଭର ଖେଳି ୧୩୫ ରନ୍ରେ ଅଲଆଉଟ୍ ହୋଇଥିଲା । ଜବାବରେ ଇଂଲଣ୍ଡ ମାତ୍ର ୬ ୱିକେଟ ହରାଇ ବିଜୟ ଲକ୍ଷ୍ୟ ହାସଲ କରିଥିଲା ।
ଏହି ମ୍ୟାଚରେ ଫାଷ୍ଟ ବୋଲର ଝୁଲଣ ଗୋସ୍ବାମୀ ଗୋଟିଏ ୱିକେଟ ହାସଲ କରି ୨୫୦ ୱିକେଟ ହାସଲ କରିବାରେ ବିଶ୍ବର ପ୍ରଥମ ମହିଳା କ୍ରିକେଟର ହୋଇ ପାରିଛନ୍ତି । ଏହାକୁ ନେଇ ସେ କହିଛନ୍ତି ଯେ, "କେବେ ଭାବିନଥିଲି ଏଭଳି ଏକ ରେକର୍ଡ ହାସଲ କରି ପାରିବି । ମୁଁ ଖୁସି ଅଛି । କିନ୍ତୁ ଭାରତ ଏହି ମ୍ୟାଚ୍ରେ ବିଜୟ ହାସଲ କରିଥିଲେ, ଅଧିକ ଖୁସି ଲାଗିଥାଆନ୍ତା ।"
@IANS
