ଦୁବାଇ: ସହଜ ବିଜୟ ହାସଲ କଲା ଦିଲ୍ଲୀ କ୍ୟାପିଟାଲ୍ସ । ୮ ୱିକେଟରେ ସନ ରାଇଜର୍ସ ହାଇଦ୍ରାବାଦକୁ ହରାଇ ପଏଣ୍ଟ ତାଲିକାର ପ୍ରଥମ ସ୍ଥାନକୁ ଫେରିଛି ଦିଲ୍ଲୀ । ୧୪ ପଏଣ୍ଟ ସହ ପ୍ଲେ ଅଫ୍ର ନିକଟତର ମଧ୍ୟ ହୋଇଛି ।
ଅନ୍ୟପକ୍ଷରେ ପରାଜୟ ଧାରାକୁ ରୋକିପାରିନି ସନ୍ ରାଇଜର୍ସ ହାଇଦ୍ରାବାଦ । ଦଳ ୮ ମୁକାବିଲା ମଧ୍ୟରୁ ୭ ଥର ପରାଜିତ ହୋଇଛି । ଏଥିସହ ପଏଣ୍ଟ ତାଲିକାରେ ସବୁଠୁ ଶେଷରେ ରହିଛି ହାଇଦ୍ରାବାଦ । ତେବେ ଦୁବାଇରେ ଖେଳାଯାଇଥିବା IPL-2021ର ୩୩ତମ ମ୍ୟାଚରେ ସନ ରାଇଜର୍ସ ହାଇଦ୍ରାବାଦ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ମାତ୍ର ୧୩୪ ରନ୍ କରିଥିଲା । ଶକ୍ତିଶାଳୀ ବ୍ୟାଟିଂକ୍ରମ ରଖିଥିବା ଦିଲ୍ଲୀ ପାଇଁ ଏହି ବିଜୟ ଖୁବ୍ ସହଜ ହୋଇଥିଲା ।
ତେବେ ହାଇଦ୍ରାବାଦର ଜବାବରେ ଦିଲ୍ଲୀ ୧୭ ଓଭର ୫ ବଲରେ ମାତ୍ର ୨ ୱିକେଟ ହରାଇ ୧୩୯ ରନ୍ କରି ବିଜୟ ମୁକୁଟ ପିନ୍ଧିଥିଲା । ଦମଦାର୍ ବୋଲିଂ ପାଇଁ ଅନରିକ୍ ନର୍ଖିୟାଙ୍କୁ ମ୍ୟାନ୍ ଅଫ୍ ଦ ମ୍ୟାଚ ଘୋଷଣା କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ