ମୁମ୍ବାଇ: କ୍ରିକେଟକୁ ନେଇ ଅନେକ ରୋମାଞ୍ଚକର ତଥ୍ୟ ସାମ୍ନାକୁ ଆସିଥାଏ । କେବଳ ଯେ, ଷ୍ଟାଡିୟମ ଭିତରେ କିମ୍ବା ଖେଳାଳିଙ୍କୁ ନେଇ ଚର୍ଚ୍ଚା ହୋଇଥାଏ ତାହା ନୁହେଁ । ଫ୍ୟାନ୍ସ ଏବଂ ପ୍ରଶଂସକଙ୍କୁ ନେଇ ମଧ୍ୟ ଅନେକ ଚର୍ଚ୍ଚା ହୁଏ । ପୂର୍ବରୁ ଷ୍ଟାଡିୟମରେ କ୍ରିକେଟର ଦୀପକ ଚହର ପ୍ରେମିକାଙ୍କୁ ପ୍ରପୋଜ କରି ଚର୍ଚ୍ଚାକୁ ଆସି ଥିବାବେଳେ ବର୍ତ୍ତମାନ ଚର୍ଚ୍ଚାରେ RCB ଫ୍ୟାନ୍ସ ।
ବୁଧବାର ପୁଣେରେ ଖେଳା ଯାଉଥିବା ଚେନ୍ନାଇ ଏବଂ ବାଙ୍ଗାଲୋର ମ୍ୟାଚ ସମୟରେ ଜଣେ ଯୁବତୀ RCB ଫ୍ୟାନ୍ଙ୍କୁ ପ୍ରପୋଜ କରିଥିବା ଦେଖିବାକୁ ମିଳିଛି । କ୍ୟାମେରାରେ କଏଦ ହୋଇଥିବା ଏହି ସମୟର ଫଟୋ ଏବଂ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଚେନ୍ନାଇ ଟିମ୍ 11 ଓଭର ଖେଳୁଥିବା ସମୟରେ ଯୁବତୀ ଜଣକ ତାଙ୍କ ପ୍ରେମିକଙ୍କୁ ପ୍ରୋପଜ କରିଥିବା ଜଣାପଡିଛି । ଏପରିକି ଷ୍ଟାଡିୟମରେ ସମ୍ପୃକ୍ତ RCB ପ୍ରଶଂସକଙ୍କୁ ମଧ୍ୟ ମୁଦି ପିନ୍ଧାଇଛନ୍ତି ।
-
Santhosham ga undandi🙌🏻 pic.twitter.com/houNPcolYW
— Varma (@Varma____) May 4, 2022 " class="align-text-top noRightClick twitterSection" data="
">Santhosham ga undandi🙌🏻 pic.twitter.com/houNPcolYW
— Varma (@Varma____) May 4, 2022Santhosham ga undandi🙌🏻 pic.twitter.com/houNPcolYW
— Varma (@Varma____) May 4, 2022
ତେବେ ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ ଏଥିରେ ଟ୍ବିଷ୍ଟ ଆଣିଛନ୍ତି ପୂର୍ବତନ ଖେଳାଳି ୱାସିମ ଜାଫର । ସେ ଟ୍ବିଟ କରି କହିଛନ୍ତି ଯେ, 'ଜଣେ ସ୍ମାର୍ଟ ଗାର୍ଲ RCB ଫ୍ୟାନ୍ଙ୍କୁ ପ୍ରପୋଜ କରିଛନ୍ତି । ଯଦି ଯୁବକ ଜଣକ RCB ଟିମ୍ ପ୍ରତି ଲୋୟାଲ ଅର୍ଥାତ୍ ନିଷ୍ଠାପର ରହି ପାରୁଛନ୍ତି ତେବେ ସେ ମଧ୍ୟ ନିଶ୍ଚିତ ପାର୍ଟନରଙ୍କ ପ୍ରତି ନିଷ୍ଠାବାନ ରହିବେ ।' ଏଥିସହ ୱାସିମ ଜାଫର ମଧ୍ୟ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
