ଆବୁଧାବୀ: ଚଳିତ ଆଇପିଏଲର ତ୍ରୟୋଦଶ ମ୍ୟାଚ୍ରେ ବିଜୟ ପରେ ଶୀର୍ଷକୁ ଉଠିଛି 4 ଥରର ଚମ୍ପିଆନ ମୁମ୍ବାଇ ଇଣ୍ଡିଆନ୍ସ । କିଙ୍ଗ୍ସ ଏକାଦଶ ପଞ୍ଜାବକୁ 48 ରନରେ ହରାଇ ପଏଣ୍ଟ ଟେବୁଲର ଟପ୍ରେ ରହିଛି ମୁମ୍ବାଇ ।
ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ 20 ଓଭରରେ 4 ୱିକେଟ ହରାଇ 191 ରନ କରିଥିଲା ମୁମ୍ବାଇ । ଯାହାକୁ ପିଛା କରି ପଡିଆକୁ ଓହ୍ଲାଇଥିଲା ପଞ୍ଜାବ । ପ୍ରଥମେ ଧୁଆଁଧାର ବ୍ୟାଟିଂ କରିବା ପରେ ମୁମ୍ବାଇର ଶାଣିତ ବୋଲିଂ ପଞ୍ଜାବର 8 ୱିକେଟ ନେବା ସହ 20 ଓଭରରେ 143 ରନରେ ଅଟକାଇଦେଇଥିଲା ।
ପ୍ରଥମେ ପଞ୍ଜାବର ଦୁଇ ଓପନର କେଏଲ ରାହୁଲ ଓ ମୟଙ୍କ ଅଗ୍ରୱାଲ ପାଳି ଆରମ୍ଭ କରିଥିବାବେଳେ ପଞ୍ଚମ ଓଭରରେ ହିଁ ଜଶପ୍ରୀତ ବୁମରା ଅଗ୍ରୱାଲଙ୍କ ୱିକେଟ ନେଇ ଟିମ୍କୁ ପ୍ରଥମ ଝଟକା ଦେଇଥିଲେ । ପରେ କେଏଲ ରାହୁଲ ଆଉଟ୍ ହୋଇ ପାଭିଲିୟନ ଫେରିଥିଲେ ।
