ହାଇଦ୍ରାବାଦ: ଶ୍ରୀଲଙ୍କା ଗସ୍ତରେ ଯିବ ଭାରତୀୟ କ୍ରିକେଟ ଟିମ । ଜୁଲାଇରେ ଶୀର୍ଷ ଖେଳାଳିଙ୍କ ବିନା ସୀମିତ ଓଭର ସିରିଜ ଖେଳିବାକୁ ଶ୍ରୀଲଙ୍କା କରିବ ଟିମ ଇଣ୍ଡିଆ । ରବିବାର ଏହା କହିଛନ୍ତି, ବିସିସିଆଇ ସଭାପତି ସୌରଭ ଗାଙ୍ଗୁଲି ।
ତେବେ ଏହି ଗସ୍ତରେ କ୍ୟାପଟେନ ବିରାଟ କୋହଲି ଓ ଭାଇସ-କ୍ୟାପଟେନ ରୋହିତ ଶର୍ମାଙ୍କ ଭଳି ବଡନାମଙ୍କୁ ସାମିଲ କରାଯିବ ନାହିଁ । କାରଣ ଇଂଲଣ୍ଡ ବିପକ୍ଷ 5 ମ୍ୟାଚ ବିଶିଷ୍ଟ ଟେଷ୍ଟ ସିରିଜ ପାଇଁ ଇଂଲଣ୍ଡ ଗସ୍ତରେ ଥିବେ ଶୀର୍ଷ ଖେଳାଳି ।
ଶ୍ରୀଲଙ୍କା ସହ ଟିମ ଇଣ୍ଡିଆ 5 ଟିକିଆ ଟି20 ଓ 3 ମ୍ୟାଚ ବିଶିଷ୍ଟ ଏକଦିବସୀୟ ସିରିଜ ଖେଳିବା ନେଇ ଯୋଜନା ରହିଛି । ତେବେ ଏହି ଗସ୍ତ ପାଇଁ ଭିନ୍ନ ଟିମ ହେବ । କାରଣ ଏହି ସମୟରେ ଇଂଲଣ୍ଡ ଗସ୍ତରେ ଥିବ ଟିମ ଇଣ୍ଡିଆ । ଫଳରେ ଯୁବ ଖେଳାଳି ଏହି ଗସ୍ତର ଅଂଶ ହେବେ । ଏହା କହିଛନ୍ତି ବିସିସିଆଇ ସଭାପତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
