ମାଞ୍ଚେଷ୍ଟର: ବିଶ୍ବକପ ଲଢେଇରେ ଘରୋଇ ଇଂଲଣ୍ଡ ଓ ଆଫଗାନିସ୍ତାନ ମଧ୍ୟରେ ମୁକାବଲା ହେଉଛି । ପ୍ରଥମେ ବ୍ୟାଟିଂ କରି ଇଂଲଣ୍ଡ ଆଫଗାନିସ୍ତାନ ସାମ୍ନାରେ 398 ରନର ବିଶାଳ ଲକ୍ଷ୍ୟ ରଖିଛି ।
କ୍ୟାପଟେନ ଇଆନ ମୋର୍ଗାନ ବିଶ୍ବକପ ଇତିହାସର ଅନ୍ୟତମ ଦ୍ରୁତତମ ଶତକ ହାସଲ କରିଛନ୍ତି । ମାତ୍ର 57 ବଲରେ ଶତକ ହାସଲ କରିଥିଲେ ମୋର୍ଗାନ । 70 ବଲରେ 148 ରନର ପାଳି ଖେଳି ଆଉଟ ହୋଇଥିଲେ ମୋର୍ଗାନ ।
ଜନି ବେଷ୍ଟୋ 99 ବଲରେ 90 ରନ କରି ଶତକରୁ ବଞ୍ଚିତ ହୋଇଛନ୍ତି । ଜୋ ରୁଟ ମଧ୍ୟ ଦମଦାର 82 ବଲରେ 88 ରନର ପାଳି ଖେଳିଛନ୍ତି । ଜେସନ ରୟଙ୍କ ସ୍ଥାନରେ ଖେଳୁଥିବା ଜେମ୍ସ ଭିନ୍ସ 31 ବଲରୁ 26 କରିପାରିଛନ୍ତି ।
ତେବେ ଶେଷ ଭାଗରେ ମାତ୍ର 9 ବଲରୁ 4ଟି ଛକା ଓ ଗୋଟିଓ ଚୌକା ସହ ବିସ୍ପୋରକ 31 କରି ମୋଇନ ଅଲ୍ଲୀ ଇଂଲଣ୍ଡର ସ୍କୋର 397 ରନରେ ପହଞ୍ଚାଇଥିଲେ ।
