ମୁମ୍ବାଇ: ଏଣିକି ଆଉ ଷ୍ଟାଡିୟମରେ ଶୁଭିବନି ‘ଯୁବି, ଯୁବି’ ଡାକ । ଦେଖିବାକୁ ମିଳିବିନି ଆକାଶକୁ ଛୁଇଁ ଆସୁଥିବା ବିଶାଳକାୟ ଛକା । ସୋମବାର ଏକ ସାମ୍ବାଦିକ ସମ୍ମିଳନୀରେ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ନେଇ ଘୋଷଣା କରିଛନ୍ତି ଯୁବରାଜ ସିଂହ । ‘17 ବର୍ଷର ଲମ୍ବା ଯାତ୍ରା ପରେ ଶେଷରେ ମୁଁ ଅବସର ନେବାକୁ ନିଷ୍ପତ୍ତି ନେଇଛି’ ବୋଲି କହିଛନ୍ତି ଯୁବରାଜ ।
ତେବେ ଅବସର ନେବା ସହ ସେ ଭୁଲି ନାହାଁନ୍ତି ନିଜର ପ୍ରଥମ ଅଧିନାୟକ ସୌରଭ ଗାଙ୍ଗୁଲିଙ୍କୁ । ଯୁବରାଜ କହିଛନ୍ତି ‘ମତେ ମୋର ପ୍ରଥମ ମ୍ୟାଚ ଖେଳିବାକୁ ସୁଯୋଗ ଦେଇଥିବାରୁ ସୌରଭ ଗାଙ୍ଗୁଲିଙ୍କୁ ଧନ୍ୟବାଦ । ତାଙ୍କୁ ସବୁବେଳେ ସହଯୋଗ କରିଥିବାରୁ ନିଜ ଆଦର୍ଶ ସଚିନ ତେନ୍ଦୁଲକରଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି ଯୁବି ।
ଏହି ବାମ-ହାତି ଷ୍ଟାଇଲିସ ବ୍ୟାଟ୍ସମ୍ୟାନ ଅନେକ ମ୍ୟାଚରେ ଭାରତକୁ ବିଜୟ ଦେଇଛନ୍ତି । ତେବେ ନଜର ପକାଇବା ଯୁବରାଜଙ୍କର କିଛିଟା ଚିରସ୍ମରଣୀୟ ମୁହୂର୍ତ୍ତ ଉପରେ ।
ଚମ୍ପିଆନ୍ସ ଟ୍ରଫିରେ ଦିନିକିଆ ଡେବ୍ୟୁ- ଅଷ୍ଟ୍ରେଲିଆ ବିପକ୍ଷରେ 84ରନର ପାଳି
2000 ମସିହା ଅକ୍ଟୋବର 3 ତାରିଖରେ ଚାମ୍ପିୟନ୍ସ ଟ୍ରଫିରେ ପ୍ରଥମେ ଦେଖିବାକୁ ମିଳିଥିଲା ବ୍ୟାଟ ସହ ଯାଦୁ କରୁଥିବା ଏହି ବାମହାତି ବ୍ୟାଟ୍ସମ୍ୟାନଙ୍କୁ । କେନିଆ ବିପକ୍ଷରେ ପ୍ରଥମ ମ୍ୟାଚ ଖେଳିଥିଲେ ଯୁବରାଜ । କିନ୍ତୁ ବ୍ୟାଟିଂ କରିବା ପାଇଁ ସୁଯୋଗ ପାଇନଥିଲେ ସେ । ପରବର୍ତ୍ତୀ ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ନିଜର ବ୍ୟାଟିଂ ଡେବ୍ୟୁ କରିଥିଲେ ଯୁବରାଜ । 80 ବଲରୁ 84 ରନ କରିଥିଲେ ସେ ଯାହାକି ସେହି ମ୍ୟାଚର ସର୍ବାଧିକ ସ୍କୋର ଥିଲା । ଭାରତ ଏହି ମ୍ୟାଚରେ ଅଷ୍ଟ୍ରେଲିଆକୁ 20ରେ ପରାଜିତ କରିଥିଲା ।
ନେଟୱେଷ୍ଟ ଏକଦିବସୀୟ ଫାଇନାଲ- ଲର୍ଡସ୍ରେ 69ରନ
ତାପରେ ନିଜର 35 ତମ ମ୍ୟାଚ ଖେଳୁଥିବା ଯୁବରାଜ ଓହ୍ଲାଇଥିଲେ ମଇଦାନକୁ । ମହମ୍ମଦ କୈଫଙ୍କ ସହ ମିଶି 146 ରନର ଭାଗୀଦାରି କରିଥିଲେ ଯୁବରାଜ । 9ଟି ଚଉକା ଓ ଗୋଟିଏ ଛକା ସହ 69 ରନର ମ୍ୟାଚ ୱିନିଂ ପାଳି ଖେଳି ଟିମକୁ ବିଜୟୀ କରିଥିଲେ ଯୁବରାଜ ।
ପ୍ରଥମ ଏକଦିବସୀୟ ଶତକ
ଦ୍ବିତୀୟ ଏକଦିବସୀୟ ଶତକ
ଯୁବରାଜଙ୍କ 6 ବଲରେ 6 ଛକା
2007 ଟି-20 ବିଶ୍ବକପ ସେମିଫାଇନାଲ
ଯୁବରାଜଙ୍କ 70 ରନ ବଳରେ ଭାରତର ସ୍କୋର ପହଁଞ୍ଚିଥିଲା 188 ରନରେ । 15ରନେ ହାରିଯାଇଥିଲା ଅଷ୍ଟ୍ରେଲିଆ ଓ ପ୍ରଥମ ଟିମ ଭାବେ ଫାଇନାଲରେ ପହଁଞ୍ଚିଥିଲା ଭାରତ ।
ଇଂଲଣ୍ଡ ବିପକ୍ଷରେ ଦୁଇଟି କ୍ରମାଗତ ଶତକ
ଦ୍ୱିତୀୟ ମ୍ୟାଚରେ ମଧ୍ୟ ଗର୍ଜିଥିଲା ଇନ୍ଦୋରରେ ଗର୍ଜିଥିଲା ଯୁବରାଜଙ୍କ ବ୍ୟାଟ । ସଂଘର୍ଷ କରୁଥିବା ଭାରତୀୟ ଦଳର ସ୍କୋରକୁ 292 ରନରେ ପହଁଞ୍ଚାଇଥିଲେ ସେ । 118 ରନର ପାଳି ଖେଳିଥିଲେ ଯୁବରାଜ ଓ ଭାରତ ସେହି ମ୍ୟାଚକୁ ଜିତିଥିଲା 54 ରନରେ ।
ଲାହୋରରେ 129 ବଲରେ 112 ରନ
ପ୍ରଥମ ମ୍ୟାଚରେ ଭାରତ ଜିତିବା ପରେ ଦ୍ବିତୀୟ ମ୍ୟାଚ ଜିତିଥିଲା ପାକିସ୍ତାନ । ଉମର ଗୁଲଙ୍କ ବୋଲିଂରେ ଘାଇଲା ହୋଇଥିଲା ଟିମ ଇଣ୍ଡିଆ । କିନ୍ତୁ ଯୁବରାଙ୍କ ବ୍ୟାଟକୁ କାବୁ କରି ପାରିନଥିଲେ ଗୁଲ । ଏହି ମ୍ୟାଚରେ ନିଜର ପ୍ରଥମ ଟେଷ୍ଟ ଶତକ ହାସଲ କରିଥିଲେ ଯୁବରାଜ ।
ଯୁବରାଜଙ୍କ ଶତକ କିନ୍ତୁ ବ୍ୟର୍ଥ ହୋଇଯାଇଥିଲା । 9 ୱିକେଟରେ ପରାଜୟର ସମ୍ନା କରିବାକୁ ପଡିଥିଲା ଭାରତକୁ ।
ବାଙ୍ଗାଲୋରରେ ପାକିସ୍ତାନ ବିପକ୍ଷ 169 ରନ
ସୌରଭ ଗାଙ୍ଗୁଲିଙ୍କ ଏହି ଶେଷ ମ୍ୟାଚରେ ପ୍ରଥମେ ବ୍ୟାଟିଂ କରି ଭାରତ 4ଟି ପ୍ରାରମ୍ଭିକ ୱିକେଟ ହରାଇଥିଲା । କିନ୍ତୁ ସୌରଭ ଗାଙ୍ଗୁଲି ଓ ଯୁବରାଜଙ୍କ ମଧ୍ୟରେ 300ରନର ଦମଦାର ଭାଗୀଦାରି ମ୍ୟାଚର କାୟା ବଦଳାଇ ଦେଇଥିଲା । ସୌରଭ ଗାଙ୍ଗୁଲି 239 ରନ କରିଥିଲେ ଓ ଯୁବରାଜ କରିଥିଲେ 169ରନ । ମ୍ୟାଚ ଡ୍ର ହୋଇଥିଲା । ଯୁବରାଜ ନିଜ କ୍ୟାରିୟରରେ ମାତ୍ର 40ଟି ଟେଷ୍ଟ ମ୍ୟାଚ ଖେଳିଛନ୍ତି ।
2011 ବିଶ୍ବକପ- ମ୍ୟାନ ଅଫ ଦ ସିରିଜ
ବୋଲିଂରେ ମଧ୍ୟ କମାଲ କରିଥିଲେ ଯୁବି । 16 ୱିକେଟ ହାସଲ କରିଥିଲେ ସେ । ଏହାସହ ହେତେଇଥିଲେ ମ୍ୟାନ ଅଫ ଦ ସିରିଜ ପୁରସ୍କାର ।
ବ୍ୟୁରୋ ରିପୋର୍ଟ, ଇଟିଭି ଭାରତ
