ହାଇଦ୍ରାବାଦ: ବାସନ୍ତାଦେଶ ଶେଷ ହେବାପରେ କ୍ରିକେଟକୁ ଫେରିସାରିଛନ୍ତି କ୍ରିକେଟର ଏସ. ଶ୍ରୀସାନ୍ତ । ଗତ ସପ୍ତାହରେ ଯେବେ ସେ, ଆଇପିଏଲ ନିଲାମ ପାଇଁ ପଞ୍ଜୀକରଣ କରିଥିଲେ କ୍ରିକେଟ ମହଲରେ ଚର୍ଚ୍ଚାର ବିଷୟ ପାଲଟିଥିଲା । ମାତ୍ର 38 ବର୍ଷୀୟ ଦ୍ରୁତ ବୋଲର ଶ୍ରୀସାନ୍ତଙ୍କ ପୁନର୍ବାର ଆଇପିଏଲ ପ୍ରତ୍ୟାବର୍ତ୍ତନ ଆଶାକୁ ଲାଗିଛି ଶକ୍ତ ଧକ୍କା ।
ଗୁରୁବାର ବିସିସିଆଇ ପକ୍ଷରୁ ପ୍ରକାଶ ପାଇଛି 2021 ଆଇପିଏଲ ନିଲାମ ପ୍ରକ୍ରିୟାରେ ସାମିଲ ହେଉଥିବା ଖେଳାଳିଙ୍କ ଚୁଡାନ୍ତ ତାଲିକା । ତେବେ ଏହି ତାଲିକାରେ ଶ୍ରୀସାନ୍ତଙ୍କ ନାମ ନଥିବା ଜଣାପଡିବା ପରେ, ପ୍ରଶଂସକଙ୍କୁ ନିରାଶ ହେବାକୁ ପଡିଛି ।
ମୋଟ 292 ଖେଳାଳି ଚୁଡାନ୍ତ ତାଲିକାରେ ରହିଛନ୍ତି । ସେଥିମଧ୍ୟରେ 164ଜଣ ଭାରତୀୟ ଖେଳାଳି ରହିଛନ୍ତି । ଚେନ୍ନାଇରେ ଫେବ୍ରୁଆରୀ 18ରେ ଏହି ମେଗା ନିଲାମ ପ୍ରକ୍ରିୟା ଅନୁଷ୍ଠିତ ହେବ ।
ସ୍ପଟଫିକ୍ସିଂ ମାମଲାରେ ସଂପୃକ୍ତି ନେଇ ସାତବର୍ଷର ବାସନ୍ଦାଦେଶ ଭୋଗିବା ପରେ, ସଦ୍ୟ ସମାପ୍ତ ହୋଇଥିବା ଶ୍ରୀସାନ୍ତ ସୟଦ ମୁସ୍ତାକ ଅଲୀ ଟ୍ରଫିରେ କେରଳ ପକ୍ଷରୁ ନଜର ଆସିଥିଲେ ଶ୍ରୀସାନ୍ତ ଓ 4ଟି ୱିକେଟ ମଧ୍ୟ ହାସଲ କରିଥିଲେ । 75 ଲକ୍ଷ ବେସ୍ ପ୍ରାଇସ ସହ ଏହି କେରଳ ବୋଲର ଆଇପିଏଲ କମବ୍ୟାକ ପାଇଁ ଲକ୍ଷ୍ୟ ରଖିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
