ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ(ଆଇପିଏଲ)ର ସନରାଇଜର୍ସ ହାଇଦ୍ରାବାଦ ଦଳରେ ହୋଇଛି ନୂଆ କୋଚ ନିଯୁକ୍ତି । ସୋମବାର ଅଷ୍ଟ୍ରେଲିଆର ପୂର୍ବତନ ଉପ-ଅଧିନାୟକ ଓ ୱିକେଟକିପର ବ୍ରାଡ ହାଡିନଙ୍କୁ ସହକାରୀ କୋଚ ନିଯୁକ୍ତ କରିଛି ସନରାଇଜର୍ସ ହାଇଦ୍ରାବାଦ ।
ସନରାଇଜର୍ସ ହାଇଦ୍ରାବାଦର ମୁଖ୍ୟ କୋଚ ହୋଇଛନ୍ତି ଟ୍ରେଭର ବେଏଲିସ । ବେଏଲିସ ଟମ ମୁଡି ଙ୍କ ସ୍ଥାନ ନେଇଛନ୍ତି । ବେଏଲିସ ପୂର୍ବରୁ 2012 ଓ 2015 ଆଇପିଏଲରେ କୋଲକାତା ନାଇଟ ରାଇଡର୍ସର କୋଚ ରହିଛନ୍ତି । 2011ରେ ଆଇପିଏଲରେ ହାଡିନ କୋଲକାତା ନାଇଟ ରାଇଡର୍ସରେ ଖେଳାଳି ଭାବେ ରହିଥିଲେ ।
ହାଡିନ ସହକାରୀ କୋଚ ଭାବେ କାର୍ଯ୍ୟକରିବେ । ପୂର୍ବରୁ ହାଇଦ୍ରାବାଦର ସହକାରୀ କୋଚ ଥିବା ସିମନ ହେଲମେଟଙ୍କ ସ୍ଥାନ ନେଇଛନ୍ତି ହାଡିନ।
2017ରେ ଅଷ୍ଟ୍ରେଲିଆ ଏ ଦଳର କୋଚ ରହିବା ସହ ଜାତୀୟ ଦଳରେ ଫିଲ୍ଡିଂ କୋଚ ଭାବେ କାର୍ଯ୍ୟ କରିଛନ୍ତି ବ୍ରାଜ ହାଡିନ।
