ଆବୁଧାବି: ମୁମ୍ବାଇ ଇଣ୍ଡିଆନ୍ସ ଅଲରାଉଣ୍ଡର କିରନ ପୋଲାର୍ଡ କହିଛନ୍ତି ଯେ, କ୍ରିକେଟରେ ବିଶ୍ବକପ ଫାଇନାଲ ପରେ ସବୁଠାର ବଡ଼ ଟୁର୍ଣ୍ଣାମେଣ୍ଟ ହେଉଛି ଆଇପିଏଲ । ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ମଙ୍ଗଳବାର ଖେଳାଯିବାକୁଥିବା ଫାଇନାଲ ପୂର୍ବରୁ କିରନ ଏହି ବୟାନ ଦେଇଛନ୍ତି ।
‘‘ଫାଇନାରେ ଏହି ଖେଳର ନାଁ ହେଉଛି ଚାପ । ସମସ୍ତେ ସେହି ଚାପକୁ ଗ୍ରହଣ କରନ୍ତି । ଆପଣ ଜିତିବାକୁ ଚେଷ୍ଟା କରନ୍ତି ଓ ବେଳେ ବେଳେ ଭୁଲ କରି ବସନ୍ତି, କିନ୍ତୁ ଶେଷରେ ଆପଣଙ୍କୁ ସେହି ଫାଇନାଲକୁ ମଧ୍ୟ ଏକ ସାଧାରଣ ମ୍ୟାଚ ପରି ହିଁ ଖେଳିବାକୁ ହୁଏ । କେବଳ ପଡ଼ିଆକୁ ଯାଇ ସେହି ପରିବେଶକୁ ଉପଭୋଗ କରିବାକୁ ହୁଏ,’’ ବୋଲି ପୋଲାର୍ଡ ମୁମ୍ବାଇ ଇଣ୍ଡିଆନ୍ସର ଏକ ଭିଡିଓରେ କହିଛନ୍ତି ।
‘‘ନିଶ୍ଚିତ ଭାବରେ ଚଳତ ଥର ଫାଇନାଲରେ ଦର୍ଶକ ନଥିବେ କିନ୍ତୁ ଏହାକୁ ଉପଭୋଗ କରନ୍ତୁ । ଏହା ଏକ ଆଇପିଏଲ ଫାଇନାଲ, ଏହା ବିଶ୍ବକପ ଫାଇନାଲ ପରେ ସବୁଠାରୁ ବଡ଼ ଫାଇନାଲ ଅଟେ ।’’
ମୁମ୍ବାଇ ଇଣ୍ଡିଆନ୍ସ ଏପର୍ଯ୍ୟନ୍ତ 4 ଥର ଆଇପିଏଲ ଟ୍ରଫି ଜିତି ସାରିଛି । ସେପଟେ ପ୍ରଥମ ଥର ପାଇଁ ଦିଲ୍ଲୀ କ୍ୟାପିଟାଲ୍ସ ଆଇପିଏଲ ଫାଇନାଲରେ ପହଁଞ୍ଚିଛି ।
