ହାଇଦ୍ରାବାଦ: ଆଇପିଏଲର 7ମ ମ୍ୟାଚରେ ଚେନ୍ନାଇର ବିଶାଳ ପରଜାୟ ପରେ ଆଜି ଖେଳାଯିବ ଲିଗର ଅନ୍ୟତମ ଗୁରୁତ୍ବପୂର୍ଣ୍ଣ ମ୍ୟାଚ । ପଏଣ୍ଟ ତାଲିକାର ନିମ୍ନରେ ଥିବା ଦୁଇ ଦଳଙ୍କ ମଧ୍ୟରେ ହେବ ଲେଢେଇ । କୋଲକତା ନାଇଟ ରାଇଡର୍ସ ବନାମ ସନରାଇଜର୍ସ ହାଇଦ୍ରାବାଦ । ତେବେ ଆଜି ମ୍ୟାଚର କିଛି ଗୁରୁତ୍ବପୂର୍ଣ୍ଣ ତଥ୍ୟକୁ ନେଇ ଦେଖନ୍ତୁ ଏହି ରିପୋର୍ଟ ।
ବଢୁଛି ଆଇପିଏଲ ଫିବର । ଆଜି ଆବୁଧାବିରେ ଖେଳାଯିବ ଲିଗର ଅନ୍ୟତମ ହାଇଭୋଲଟେଜ୍ ମ୍ୟାଚ । କାରଣ ନିଜର ପ୍ରଥମ ମ୍ୟାଚ ହାରିଥିବା ଦୁଇ ଦଳ ଆଜି ବିଜୟ ଭୋକରେ ପଡିଆକୁ ଓହ୍ଲାଇବେ । ଆବୁଧାବିରେ ହେବ କୋଲକତା ନାଇଟ ରାଇଡର୍ସ ବନାମ ସନରାଇଜର୍ସ ହାଇଦ୍ରାବାଦର ଦମଦାର ଫାଇଟ । ନିଜର ପ୍ରଥମ ମ୍ୟାଚରେ ମୁମ୍ବାଇଠାରୁ 49 ରନ ବ୍ୟାବଧାନରେ ପରାସ୍ତ ହୋଇଥିଲା କାର୍ତ୍ତିକଙ୍କ କେକେଆର । ସେହିପରି ଆରସିବିଠାରୁ ମଧ୍ୟ ନିଜ ପ୍ରଥମ ମ୍ୟାଚରେ ପରାଜୟ ସ୍ବାଦ ଚାଖିଥିଲା ହାଇଦ୍ରାବାଦ । ତେବେ ପ୍ରଥମ ବିଜୟ ପାଇଁ ତୟାର ଉଭୟ ଦଳ । ମ୍ୟାଚ ହେବ ଦମଦାର । ତେବେ ଆଜିର ମ୍ୟାଚ ପୂର୍ବରୁ ଆସନ୍ତୁ ନଜର ପକାଇ ନେବା ଦୁଇ ଦଳର ଷ୍ଟାର ପ୍ଲେୟାର୍ସଙ୍କ ଉପରେ....
କାର୍ତ୍ତିକଙ୍କ କୋଲକତା ପାଖରେ ରହିଛନ୍ତି, ଆନ୍ଦ୍ରେ ରସେଲ, ଯିଏ ଦଳର ପାୱାର ହାଉସ । ମାତ୍ର ଗତ ମ୍ୟାଚରେ ନିମ୍ନକ୍ରମରେ ବ୍ୟାଟିଂ ପାଇଁ ଜଲଓ୍ବା ଦେଖାଇପାରି ନଥିଲେ ରସେଲ । ସେହପରି ଦଳର ଓପନିଂ ଶକ୍ତି ସୁନୀଲ ନାରିନି । ମାତ୍ର ଗତ ମ୍ୟାଚରେ ମଧ୍ୟ କିଛି କମାଲ କରି ନଥିଲେ ନାରିନ । ସେହିପରି ଦଳ ପାଖରେ ରହିଛନ୍ତି, କଙ୍ଗାରୁ ପେସ ଆଟାକ୍ ପ୍ୟାଟ କ୍ୟୁମିନ୍ସ । ପୂର୍ବ ମ୍ୟାଚରେ ଖରାପ ବୋଲିଂ ପାଇଁ ଖୁବ ମହଙ୍ଗା ସାବ୍ୟସ୍ତ ହୋଇଥିବା କ୍ୟୁମିନ୍ସଙ୍କ ଉପରେ ଆଜି ରହିବ ସମସ୍ତଙ୍କ ନଜର ।
ସେହିପରି ଯଦି ହାଇଦ୍ରାବାଦ ଉପରେ ନଜର ପକାଇବା, ବ୍ୟାଟିଂ ଲାଇନ ଅର୍ଡର ଦଳର ଅନ୍ୟତମ ଦୁର୍ବଳତା ସାଜିଛି । ମଧ୍ୟକ୍ରମର ଦୁର୍ବଳ ବ୍ୟାଟିଂ ଅର୍ଡର ପାଇଁ ପ୍ରଥମ ମ୍ୟାଚରେ ଦଳ ପରାଜୟର ସାମ୍ନା କରିଛି । ସେହିପରି ଅଲରାଉଣ୍ଡର ମିଚେଲ ମାର୍ଶଙ୍କ ଆଘାତ ଯୋଗୁଁ ଦଳରୁ ବାଦ ପଡିବା ଟିମ ପାଇଁ ଏକ ସାମସ୍ୟା ସୃଷ୍ଟି କରିଛି । ଯଦିଓ ତାଙ୍କ ସ୍ଥାନରେ କାରିବିଆନ ଅଲରାଉଣ୍ଡର ଜେସନ ହୋଲ୍ଡର ସ୍ଥାନ ପାଇଛନ୍ତି । ମାତ୍ର ଆଜିର ମ୍ୟାଚରେ ଦଳକୁ ମହମ୍ମଦ ନବିଙ୍କୁ ଖୁବ ଆବଶ୍ୟକତା ରହିଛି । ସେପଟେ ବୋଲିଂ ଆଟାକ ପାଇଁ ଜଣାଯାଉଥିବା ୱାର୍ଣ୍ଣରଙ୍କ ହାଇଦ୍ରାବାଦ ବୋଲର ଗତ ମ୍ୟାଚରେ କିଛି ଖାସ କମାଲ ଦେଖାଇ ପାରି ନଥିଲେ ।
ତେବେ ଦେଖିବାକୁ ବାକି ରହିଲା ପ୍ରଥମ ବିଜୟ ଭୋକରେ କେଉଁ ଦଳର ପ୍ରଦର୍ଶନ ଆଜି ଫ୍ୟାନ୍ସଙ୍କ ମନ ଜିତି ପାରୁଛି । ଆଉ କେଉଁ ଦଳ କୁ ଆଉ ଏକ ପରାଜୟ ମିଳୁଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
