ଦୁବାଇ: ସନରାଇଜର୍ସ ହାଇଦ୍ରାବାଦ ବୋଲରଙ୍କ ଘାତକ ବୋଲିଂ । କିଙ୍ଗ୍ସ ଇଲେଭେନ ପଞ୍ଜାବକୁ ମାତ୍ର 126 ରନରେ ଅଟକାଇଛି ହାଇଦ୍ରାବାଦ । ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ ହାଇଦ୍ରାବାଦ କ୍ୟାପଟେନ ଡେଭିଡ ୱାର୍ଣ୍ଣର । ଏହି ନିଷ୍ପତ୍ତିକୁ ସଠିକ ପ୍ରମାଣିତ କରିଥିଲେ ଅରେଞ୍ଜ ଆର୍ମୀ ବୋଲର ।
ମ୍ୟାଚର 10 ଓଭର ସୁଦ୍ଧା 66 ରନରେ ଦୁଇ ୱିକେଟ ହରାଇଥିବା ପଞ୍ଜାବ ନିୟମିତ ବ୍ୟବଧାନରେ ୱିକେଟ ହରାଇଥିଲା । ଫଳରେ ନିର୍ଧାରିତ 20 ଓଭରରେ ମାତ୍ର 126 ରନ କରିପାରିଛି । ହାଇଦ୍ରାବାଦ ସାମ୍ନାରେ 127 ରନର ବିଜୟ ଲକ୍ଷ୍ୟ ରହିଛି ।
ପଞ୍ଜାବ ପକ୍ଷରୁ ନିକୋଲାସ ପୁରୋନ ସର୍ବାଧିକ 32 ଓ କ୍ୟାପଟେନ କେଏଲ ରାହୁଲ 27 ରନର ଇଂନିସ ଖେଳିଛନ୍ତି । କ୍ରିସ ଗେଲ 20 ଓ ମନ୍ଦୀପ ସିଂ 17 ରନ କରି ପ୍ୟାଭିଲିୟନ ଫେରିଥିଲେ ।
ହାଇଦ୍ରାବାଦ ବୋଲର ପୁଣି ଥରେ ଶକ୍ତିଶାଳୀ ପ୍ରମାଣିତ ହୋଇଛନ୍ତି । ସନ୍ଦୀପ ଶର୍ମା ଜେସନ ହୋଲ୍ଡର ଓ ରସିଦ ଖାନ ଦୁଇଟି ଲେଖାଁଏ ୱିକେଟ ଅକ୍ତିଆର କରିଛନ୍ତି । ରସିଦ ଖାନ 4 ଓଭରରେ ମାତ୍ର 14 ରନ ବ୍ୟୟ କରି ସବୁଠୁ କଞ୍ଜୁସି ବୋଲିଂ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
