ଆବୁଧାବି: ରବିବାର ଡବଲହେଟରର ପ୍ରଥମ ମୁକାବିଲାରେ କିଙ୍ଗ୍ସ ଏକାଦଶ ପଞ୍ଜାବ, ଚେନ୍ନାଇ ସୁପର କିଙ୍ଗ୍ସ ସାମ୍ନାରେ 154 ରନର ବିଜୟ ଲକ୍ଷ୍ୟ ରଖିଛି । ଦୀପକ ହୁଡ୍ଡାଙ୍କ ଅପରାଜିତ 30 ବଲରୁ 62 ରନର ଇଂନିସ ବଳରେ ପଞ୍ଜାବ ଲଢୁଆ ସ୍କୋର କରିପାରିଛି ।
ଚେନ୍ନାଇ ସୁପର କିଙ୍ଗ୍ସ ପାଇଁ ଏହି ମ୍ୟାଚ ଚଳିତ ଆଇପିଏଲର ଶେଷ ମ୍ୟାଚ । ଟସ ଜିତି ମହେନ୍ଦ୍ର ସିଂ ଧୋନି ବୋଲିଂ ନିଷ୍ପତ୍ତି ନେବା ପରେ ସିଏସକେ ବୋଲର କ୍ୟାପଟେନଙ୍କ ନିଷ୍ପତ୍ତିକୁ ସଠିକ ପ୍ରମାଣିତ କରିଥିଲେ ।
ଦୁଇ ପଞ୍ଜାବ ଓପନର କେଏଲ ରାହୁଲ ଓ ମୟଙ୍କ ଅଗ୍ରୱାଲ ଦ୍ରୁତ ରନ ସଂଗ୍ରହ କରିବା ଲକ୍ଷ୍ୟରେ ବ୍ୟାଟିଂ ଆରମ୍ଭ କରିଥିଲେ । ଆରମ୍ଭରୁ କିଛି ଓଭର ଉଭୟ ଖେଳାଳି ଆକ୍ରମଣାତ୍ମକ ରଣନୀତିରେ ସଫଳ ମଧ୍ୟ ହୋଇଥିଲେ । ପ୍ରଥମ ୱିକେଟ ଯୋଡିରେ 48 ରନ ଯୋଡିଥିଲେ । ମାତ୍ର ରାହୁଲ 27 ବଲରୁ 29 ଓ ଅଗ୍ରୱାଲ 15 ବଲରୁ 26 ରନ କରି ପାଭିଲିୟନ ଫେରିଥିଲେ । ଦକ୍ଷିଣ ଆଫ୍ରିକୀୟ ବୋଲର ଲୁଙ୍ଗି ନିଙ୍ଗିଡିଙ୍କ ଶିକାର ହୋଇଥିଲେ ଉଭୟ ଖେଳାଳି ।
