ଆବିଧାବି:ଆଇପିଏଲରେ ଆଜି(ରବିବାର) ରହିଛି ଦୁଇଟି ମ୍ୟାଚ । ପ୍ରଥମ ମ୍ୟାଚ ଚେନ୍ନାଇ ସୁପର କିଙ୍ଗ୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ମଧ୍ୟରେ ଖେଳାଯାଉଛି । ଟସ ଜିତି ଚେନ୍ନାଇ ସୁପରକିଙ୍ଗ୍ସ କ୍ୟାପଟେନ ମହେନ୍ଦ୍ର ସିଂ ଧୋନି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଛନ୍ତି । ଫଳରେ ପ୍ରଥମେ ବ୍ୟାଟିଂ କରିବ କେଏଲ ରାହୁଲଙ୍କ କିଙ୍ଗ୍ସ ଏକାଦଶ ପଞ୍ଜାବ । ଏହି ମ୍ୟାଚ ଶୈଖ ଜାଏଦ ଷ୍ଟାଡିୟମ ଆବୁଧାବିରେ ଖେଳାଯାଉଛି ।
ଏହି ମ୍ୟାଚ ଆଇପିଏଲ 2020ରେ ସିଏସକେ ପାଇଁ ଶେଷ ମ୍ୟାଚ ହେବ । ଶେଷ ମ୍ୟାଚରେ ସେନ ୱାଟସନ, ମିଚେଲ ସାଣ୍ଟନର ଓ କର୍ଣ୍ଣ ଶର୍ମାଙ୍କ ସ୍ଥାନରେ ଫାଫ ଡୁପ୍ଲେସିସ, ଇମ୍ରାନ ତାହିର ଓ ଶାର୍ଦ୍ଦୁଳ ଠାକୁରଙ୍କୁ ଚୁଡାନ୍ତ ଏକାଦଶରେ ସାମିଲ କରିଛି ସିଏସକେ ।
ପଞ୍ଜାବ ଟିମରେ ମଧ୍ୟ ଦୁଇଟି ପରିବର୍ତ୍ତନ ହୋଇଛି । ଗ୍ଳେନ ମାକ୍ସୱେଲଙ୍କ ସ୍ଥାନରେ ଜେମ୍ସ ନିଶାମ ଓ ଅର୍ଶଦୀପଙ୍କ ସ୍ଥାନରେ ମୟଙ୍କ ଅଗ୍ରୱାଲ ଟିମକୁ ଫେରିଛନ୍ତି । ଚେନ୍ନାଇ ଓ ପଞ୍ଜାବ ଆଇପିଏଲରେ ଏଯାବତ 22 ଥର ମୁହାଁମୁହିଁ ହୋଇଛନ୍ତି । 13ଟିରେ ଚେନ୍ନାଇ ବାଜିମାତ କରିଥିବା ବେଳେ, ପଞ୍ଜାବ 9ଟି ମ୍ୟାଚରେ ବିଜୟୀ ହୋଇଛି ।
