ହାଇଦ୍ରାବାଦ: ଜମ୍ମୁ କାଶ୍ମୀରକୁ ନେଇ କେନ୍ଦ୍ର ସରକାରଙ୍କ ଐତିହାସିକ ଘୋଷଣା । ଜମ୍ମୁ କାଶ୍ମୀରରୁ ଧାରା 370 ଉଚ୍ଛେଦ ପାଇଁ ରାଜ୍ୟସଭାରେ କେନ୍ଦ୍ର ଗୃହମନ୍ତ୍ରୀ ସଙ୍କଳ୍ପ ଆଗତ କରିଛନ୍ତି । ତେବେ ଏହି ପ୍ରସ୍ତାବକୁ ନେଇ ବିଭିନ୍ନ ମହଲରୁ ବିଭିନ୍ନ ପ୍ରତିକ୍ରିୟା ଆସୁଛି । ଏହି ଐତିହାସିକ ନିଷ୍ପତ୍ତିକୁ ନେଇ ଭାରତୀୟ କ୍ରିକେଟରମାନେ ବି ନିଜର ପ୍ରତିକ୍ରିୟା ରଖିଛନ୍ତି ।
ଟିମ୍ ଇଣ୍ଡିଆର ପୂର୍ବତନ କ୍ରିକେଟର ତଥା ବିଜେପି ସାଂସଦ ଗୌତମ ଗମ୍ଭୀର ଧାରା 370 ହଟିବା ନେଇ ଖୁସି ଜାହିର କରିଛନ୍ତି । ଗମ୍ଭୀର ନିଜର ଟ୍ବିଟର ଆକାଉଣ୍ଟରେ ଲେଖିଛନ୍ତି, କିଏ ବି ଏହା କରି ପାରି ନଥିଲେ, ଯାହା ଆମେ କରିକି ଦେଖେଇଲୁ । କାଶ୍ମୀରରେ ଏବେ ଆମର ତ୍ରୀରଙ୍ଗା ଉଡିବ ।
ସେହିପରି ଟିମ୍ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ ସୁରେଶ ରାଇନା ଟ୍ବିଟରରେ ଲେଖିଛନ୍ତି, ଏହା ଐତିହାସିକ ପଦକ୍ଷେପ, ଜୟ ହିନ୍ଦ ।
କିମ୍ବଦନ୍ତୀ ଖେଳାଳି ମହମ୍ମଦ କୈଫ ଟ୍ବିଟରରେ ଉଲ୍ଲେଖ କରିଛନ୍ତି, ଏହି ଘୋଷଣା ପରେ କାଶ୍ମୀରରେ ଶାନ୍ତି ଓ ପ୍ରେମର ବାତାବରଣ ସୃଷ୍ଟି ହେବ । #370
