ଆବୁଧାବି: ଆଇପିଏଲ 2020ର 11ତମ ମ୍ୟାଚ ଆବୁଧାବିରେ ଦିଲ୍ଲୀ କ୍ୟାପିଟାଲ୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯିବ । ଦିଲ୍ଲୀ କ୍ରମାଗତ ଭାବେ ପଞ୍ଜାବ ଓ ଚେନ୍ନାଇକୁ ମାତ୍ ଦେଇ ପଏଣ୍ଟ ଟେବୁଲର ଟପ୍ରେ ରହିଥିବାବେଳେ ହାଇଦ୍ରାବାଦ ପୂର୍ବ 2ଟି ମ୍ୟାଚରେ ପରାସ୍ତ ହୋଇ ପଏଣ୍ଟ ଟେବୁର ଶେଷ ସ୍ଥାନରେ ରହିଛି ।
ଆଜିର ମ୍ୟାଚରେ ଡେଭିଡ ଓ୍ବାର୍ଣ୍ଣରଙ୍କ ହାଇଦ୍ରାବାଦ ଦଳ ଚାହିଁବ ଦିଲ୍ଲୀକୁ ମାତ୍ ଦେଇ ସିଜନର ପ୍ରଥମ ବିଜୟ ହାସଲ କରିବାକୁ । ଅନ୍ୟପଟେ ହ୍ୟାଟ୍ରିକ ବିଜୟ ଲକ୍ଷ୍ୟରେ ଗ୍ରାଉଣ୍ତକୁ ଓହ୍ଲାଇବ ଶ୍ରେୟସଙ୍କ ଟିମ । ଆଜିର ମ୍ୟାଚରେ ପୃଥ୍ବୀ ଶ, ଡେଭିଡ ଓ୍ବାର୍ଣ୍ଣର, ଜନି ବେୟାରଷ୍ଟୋ, କଗିସୋ ରାବାଡା, ମନିଷ ପାଣ୍ଡେଙ୍କ ଉପରେ ସମସ୍ତଙ୍କ ନଜର ରହିବ । ଏଥିସହ ଆଜି କେନ ଓ୍ବିଲିୟମସନ ଗ୍ରାଉଣ୍ଡକୁ ଓହ୍ଲେଇବେ କି ନାହିଁ , ତାହା ଉପରେ ବି ସମସ୍ତଙ୍କ ନଜର ରହିବ । ତେବେ ଆଜିର ମ୍ୟାଚରେ ଅନେକ ରେକର୍ଡର ସମ୍ଭାବନା ରହିଛି ।
ଆସନ୍ତୁ ନଜର ପକାଇବା ସେହି ରେକର୍ଡ ଉପରେ..
- ଆଜି ଯଦି ପନ୍ତ 3 ଡିସମିସଲ କରନ୍ତି ତେବେ ତାଙ୍କ ନାଁରେ ଆଇପିଏଲରେ 50ଡିସମିସଲ ହୋଇଯିବ ।
- ସେହିପରି ପନ୍ତ ଆଜିର ମ୍ୟାଚରେ 6ଟି ଛକା ମାରନ୍ତି, ତେବେ ଆଇପିଏଲରେ 100ଛକାର ରେକର୍ଡ ହାସଲ କରିବେ ।
- 72ରନ ସଂଗ୍ରହ କଲେ ମନିଷ ପାଣ୍ଡେଙ୍କ ଆଇପିଏଲରେ 3000ରନ ସମ୍ପୂର୍ଣ୍ଣ ହେବ ।
- 3ଟିଛକା ବଳରେ ଧଓ୍ବନ ନିଜ ଆଇପିଏଲ କ୍ୟାରିଅରରେ ଯୋଡିବେ 100ଛକା ।
- ଧଓ୍ବନ ଯଦି 104ରନ୍ ସଂଗ୍ରହ କରନ୍ତି, ତେବେ ଦିଲ୍ଲୀ ପାଇଁ 1000ରନ୍ କରିବେ ।
- ସିର୍ଦ୍ଧାଥ କୌଲ ଯଦି ଆଜି ଗୋଟିଏ ଓ୍ବିକେଟ ନିଅନ୍ତି ,ତେବେ ଆଇପିଏଲରେ 50 ଓ୍ବିକେଟ ଅକ୍ତିଆର କରିବେ ।
