କଟକ: ଓଡିଶା ଦୃଷ୍ଟିହୀନ ମହିଳା ଦଳର ଚମତ୍କାର ବିଜୟ । ଦିଲ୍ଲୀ ଡିଡ଼ିଏ ସ୍ପୋର୍ଟସ କମ୍ପ୍ଲେକ୍ସରେ ଖେଳାଯାଇଥିବା ଜାତୀୟ ସମରଥନମ କ୍ରିକେଟ ଟୁର୍ଣ୍ଣାମେଣ୍ଟର ଏକ ଗୁରୁତ୍ବପୂର୍ଣ୍ଣ ମ୍ୟାଚରେ ବିପକ୍ଷ କେରଳକୁ 180 ରନରେ ପରାସ୍ତ କରିଛି ଓଡିଶା ଦୃଷ୍ଟିହୀନ ମହିଳା ଦଳ ।
ପ୍ରଥମ ବ୍ୟାଟିଂ କରି ଓଡିଶା ନିର୍ଦ୍ଧାରିତ 20 ଓଭରରେ 3 ୱିକେଟ ହରାଇ 279 ରନ କରିଥିଲା । ଦଳ ପକ୍ଷରୁ ବାସନ୍ତୀ ହାଁସଦା ସର୍ବାଧିକ 82 ରନ କରିଥିଲାବେଳେ, ମୁନି ପୂର୍ତ୍ତି 50 ଓ ଫୁଲ ସୋରେନ 41 ରନ କରିଥିଲେ ।
ଜବାବରେ କେରଳ ନିର୍ଦ୍ଧାରିତ ଓଭରରେ 9 ୱିକେଟ ହରାଇ ମାତ୍ର 99 ରନ କରିଥିଲା । ଓଡିଶାର ଚମତ୍କାର ଫିଲଡିଂ ବଳରେ କେରଳ ଟିମ ର 7 ଟି ବ୍ୟାଟ୍ସମାନ ରନ ଆଉଟ ହୋଇଥିଲେ । ଓଡିଶା ତାର ଦ୍ବିତୀୟ ମ୍ୟାଚରେ ମହାରାଷ୍ଟ୍ରକୁ ଭେଟିବ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
