ମେଲବୋର୍ଣ୍ଣ: ଟିମ ଇଣ୍ଡିଆ ପାଇଁ ବିମାନ କଟକଣା କୋହଳ କରିପାରନ୍ତି ଅଷ୍ଟ୍ରେଲିଆ ସରକାର । ଚଳିତ ବର୍ଷ ଶେଷ ଭାଗରେ ଭାରତୀୟ ଦଳର ଅଷ୍ଟ୍ରେଲିଆ ଗସ୍ତ ସୂଚୀ ରହିଛି । ଏହି ଗସ୍ତରେ ଉଭୟ ଦେଶ ମଧ୍ୟରେ 4ଟିକିଆ ଟେଷ୍ଟ ସିରିଜ ଖେଳାଯିବ ।
ମହାମାରୀ କୋରୋନା ଭାଇରସ ସଂକ୍ରମଣ ଭୟ ଯୋଗୁଁ 6ମାସ ପର୍ଯ୍ୟନ୍ତ ବିମାନ ଚଳାଚଳ ନେଇ କଟକଣା ଲାଗୁ କରିଛନ୍ତି । ଏହି କଟକଣାର ଅବଧି ସେପ୍ଟେମ୍ବର 30 ପର୍ଯ୍ୟନ୍ତ ରହିଛି । ମାତ୍ର କ୍ରିକେଟ ଅଷ୍ଟ୍ରେଲିଆ ଘୋର ଆର୍ଥିକ ସଙ୍କଟ ଦେଖାଦେଇଛି ଯ ଏହି ସିରିଜ ଅଷ୍ଟ୍ରେଲିଆ କ୍ରିକେଟ ବୋର୍ଡ ପାଇଁ ଗୁରୁତ୍ବପୂର୍ଣ୍ଣ ହୋଇପଡିଛି । 80 ପ୍ରତିଶତ କର୍ମଚାରୀଙ୍କୁ କ୍ରିକେଟ ଅଷ୍ଟ୍ରେଲିଆ ଛଟେଇ କରିସାରିଛି ।
ଏପରି ସ୍ଥିତିରେ ଅଷ୍ଟ୍ରେଲିଆ ସରକାର ଟିମ ଇଣ୍ଡିଆର ଅଷ୍ଟ୍ରେଲିଆ ଗସ୍ତକୁ ଅନୁମତି ଦେଇପାରେ ବୋଲି ଚର୍ଚ୍ଚା ହେଉଛି ।
