ନୂଆଦିଲ୍ଲୀ: ଫାଷ୍ଟ ବୋଲର ଓଡିନ୍ ସ୍ମିଥଙ୍କ ବଲରେ ଭାଙ୍ଗିଲା ୟୁନିଭର୍ସ ବସ୍ କ୍ରୀସ ଗେଲ୍ଙ୍କ ବ୍ୟାଟ୍ । ବର୍ତ୍ତମାନ ଜାରି ରହିଥିବା କାରବିଆନ ପ୍ରିମିୟର ଲିଗ୍ରେ ଦେଖିବାକୁ ମିଳିଛି ଏଭଳି ଦୃଶ୍ୟ । ସିପିଏଲ୍ ପ୍ରଥମ ସେମିଫାଇନାଲ୍ରେ ସେଣ୍ଟ କିଟ୍ଟସ୍ ନେଭିସ ପାଟ୍ରିଅଟ୍ସକୁ ଭେଟିଥିଲା ଗାଏନା ଆମାଜନ ୱାରିଅର । ଗତ ମଙ୍ଗଳବାର ଖେଳାଯାଇଥିବା ଏହି ମ୍ୟାଚରେ ସେଣ୍ଟ କିଟ୍ଟସ୍ ନେଭିସ ପାଟ୍ରିଅଟ୍ସ ଦମ୍ଦାର ବିଜୟ ହାସଲ କରିଛି ।
-
Batting malFUNction for @henrygayle #GAWvSKNP #CPL21 #CricketPlayedLouder #BiggestPartyInSport pic.twitter.com/kuPgIs7DuY
— CPL T20 (@CPL) September 14, 2021 " class="align-text-top noRightClick twitterSection" data="
">Batting malFUNction for @henrygayle #GAWvSKNP #CPL21 #CricketPlayedLouder #BiggestPartyInSport pic.twitter.com/kuPgIs7DuY
— CPL T20 (@CPL) September 14, 2021Batting malFUNction for @henrygayle #GAWvSKNP #CPL21 #CricketPlayedLouder #BiggestPartyInSport pic.twitter.com/kuPgIs7DuY
— CPL T20 (@CPL) September 14, 2021
ଦଳ ପକ୍ଷରୁ ଓପନିଂରେ କ୍ରୀସ ଗେଲ୍ ଓ ଏଭିନ ଲୁଇସ୍ ପଡ଼ିଆକୁ ଓହ୍ଲାଇଥିଲେ । ପ୍ରଥମ ୱିକେଟ ପାଇଁ ଦୁହେଁ ଧୂଆଁଧାର ବ୍ୟାଟିଂ କରି ମାତ୍ର ୭.୨ ଓଭରରେ ୭୬ ରନ୍ ସଂଗ୍ରହ କରିଥିଲେ । ତେବେ ଏହି ଇନିଂସର ଚତୁର୍ଥ ଓଭର ଦର୍ଶକଙ୍କ ମନ ମୋହିଥିଲା । କାରଣ ସେହି ସମୟରେ ବୋଲିଂ କରୁଥିବା ଓଡିନ ସ୍ମିଥ୍ଙ୍କ ଏକ ବଲରେ ଗେଲ୍ଙ୍କ ବ୍ୟାଟ ଦୁଇ ଖଣ୍ଡ ହୋଇ ପଡ଼ିଆରେ ପଡ଼ିଥିବା ଦେଖିବାକୁ ମିଳିଥିଲା ।
ଏହାର ଭିଡିଓକୁ ସିପିଏଲ ପକ୍ଷରୁ ସେୟାର କରାଯାଇଛି । ସିପିଏଲରେ ଡ୍ବେନ ଭ୍ରାଭୋଙ୍କ ନେତୃତ୍ବରେ ସେଣ୍ଟ କିଟ୍ଟସ୍ ନେଭିସ ପାଟ୍ରିଅଟ୍ସ ଫାଇନାଲରେ ପହଞ୍ଚିଛି । ଏହି ମ୍ୟାଚରେ ଗେଲ୍ ୨୭ଟି ବଲ୍ ଖେଳି ୪୨ ରନ୍ କରିଥିଲେ । ସେପଟେ ଏଭିନ ଲୁଇସ୍ ମଧ୍ୟ ୩୯ଟି ବଲ୍ ଖେଳି ୭୭ ରନ୍ କରିଥିଲେ । ଯାହାଫଲରେ ଦଳକୁ ୭ ୱିକେଟ୍ରେ ଏହି ମ୍ୟାଚ ବିଜୟୀ ହୋଇ ପାରିଛି ।
ସେଣ୍ଟ କିଟ୍ଟସ୍ ନେଭିସ ପାଟ୍ରିଅଟ୍ସଠାରୁ ପରାଜିତ ହେବାପରେ ଗାଏନା ଆମାଜନ ୱାରିଅର ତୃତୀୟ ସ୍ଥାନ ପାଇଁ ସେଣ୍ଟ ଲୁସିଆ କିଙ୍ଗ୍ସକୁ ଟକ୍କର ଦେବ । ସପେଟେ ଫାଇନାଲରେ ମଧ୍ୟ ଗେଲ୍ଙ୍କ ଧୂଆଁଧାର ଇନିଂସ ଦେଖିବାକୁ ମିଳିବ ବୋଲି ଫ୍ୟାନ ଆଶା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
