ଦୁବାଇ: ଆଉ କିଛି ଘଣ୍ଟା ପରେ ଏସିଆ କପର ପ୍ରତୀକ୍ଷିତ ହାଇଭୋଲଟେଜ ଲଢେଇ ଆରମ୍ଭ ହେବ । ଏସିଆ କପ୍ ଦ୍ବିତୀୟ ଦିନରେ ଆଜି (ରବିବାର) ଭାରତ ଓ ପାକିସ୍ତାନ ମଧ୍ୟରେ ମହାମୁକାବିଲା ହେବ । ଦୁଇ ପାରମ୍ପରିକ ପ୍ରତିଦ୍ବନ୍ଦୀ ଭାରତ ପାକିସ୍ତାନ ମଇଦାନରେ ମୁହାଁମୁହିଁ ହେବେ । ଏନେଇ ଫ୍ୟାନ୍ସଙ୍କ ମଧ୍ୟରେ ଉତ୍କଣ୍ଠା ବଢିବାକୁ ଲାଗିଛି । ସମୟ ଯେତିକି ପାଖଉଛି ଉତ୍ସାହ ସେତିକି ବଢୁଛି । ପାକ୍ ବିପକ୍ଷରେ ବିଜୟ ସହ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛି ଟିମ ଇଣ୍ଡିଆ । ସନ୍ଧ୍ୟା 7ଟା 30ରେ ଆରମ୍ଭ ହେବ ମ୍ୟାଚ ।
ପ୍ରଥମ ମ୍ୟାଚ ଜିତିବାକୁ ଦୁଇ ଦଳ ଜୋରଦାର ପ୍ରସ୍ତୁତି କରିଛନ୍ତି । କେବଳ ଟସକୁ ଅପେକ୍ଷା । ଆଉ କିଛି ଘଣ୍ଟା ପରେ ସବୁ କାମ ସାରି ଟିଭି ଆଗରେ ବସିଯିବେ କ୍ରିକେଟପ୍ରେମୀ । ଗତ ବର୍ଷ ଅନୁଷ୍ଠିତ ଟି-20 ବିଶ୍ବକପରେ ଭାରତ ପାକିସ୍ତାନଠୁ ପରାସ୍ତ ହୋଇଥିଲା । ଏଥର କ୍ୟାପ୍ଟେନ ରୋହିତ ଶର୍ମା କ୍ରିକେଟପ୍ରେମୀଙ୍କୁ ନିରାଶ କରିବେ ନାହିଁ ବୋଲି ଆଶା ରହିଛି । ଟି-20 ପରାଜୟର ପ୍ରତିଶୋଧ ନେବାକୁ ଲକ୍ଷ୍ୟ ରଖିଛି ଟିମ ଇଣ୍ଡିଆ । ମ୍ୟାଚକୁ ନେଇ କ୍ରେଜ ବଢିବାକୁ ଲାଗିଛି।
ଆଜିର ମୁକାବିଲାରେ ରୋହିତ ଶର୍ମା ଓ ବିରାଟ କୋହଲିଙ୍କ ପ୍ରଦର୍ଶନ ଉପରେ ନଜର ରହିବ । କୋହଲି ଟି-20 ଫର୍ମାଟରେ ତାଙ୍କର 100ତମ ମ୍ୟାଚ ଖେଳିବେ । କିଛି ଦିନ ହେବ ଫର୍ମରେ ନଥିବା ବିରାଟଙ୍କୁ ସମାଲୋଚନାର ଶିକାର ହେବାକୁ ପଡିଛି। ଅଭ୍ୟାସ ମ୍ୟାଚରେ କୋହଲି ଭଲ ଖେଳିଥିଲେ । ଆଜି ନିଜକୁ ପ୍ରମାଣ କରିବାକୁ ହେଲେ ବିରାଟଙ୍କୁ ବଡ ସଟ ଖେଳିବାକୁ ହେବ । ଟି-ଟ୍ବେଣ୍ଟି ମାନ୍ୟତା ତାଲିକାରେ ଦ୍ବିତୀୟ ସ୍ଥାନରେ ରହିଛନ୍ତି ସୂର୍ଯ୍ୟକୁମାର । ସୂର୍ଯ୍ୟଙ୍କ ବ୍ୟାଟରୁ ମଧ୍ୟ ଆଜି ବଡ ଇନିଂସ ଆଶା ରଖିଛନ୍ତି କ୍ରିକେଟ ପ୍ରେମୀ । ବୋଲିଂ ବିଭାଗକୁ ଦେଖିଲେ ଭାରତ ପାଖରେ ଅଭିଜ୍ଞ ବୋଲିର ଅଛନ୍ତି । ଦଳର ପ୍ରମୁଖ ପେସ ବୋଲ ଜଶପ୍ରୀତ ବୁମରା ନାହାନ୍ତି । ଭୁବନେଶ୍ବର କୁମାର, ଅର୍ଶଦୀପ ସିଂହ, ଅଭେଶ ଖାନଙ୍କୁ ନେଇ ଗଠିତ ପେସ୍ ବାହିନୀ ନିକଟରେ ଯଥେଷ୍ଟ ସାମଥ୍ୟ ରହିଛି । ହାର୍ଦ୍ଦିକ ପାଣ୍ଡ୍ୟା ତାଙ୍କର ଅଲରାଉଣ୍ଡର ପ୍ରଦର୍ଶନ କରିବେ ବୋଲି ଆଶାୟୀ ଫ୍ୟାନ୍ସ ।
ଏହା ବି ପଢନ୍ତୁ...Asia cup 2022, ଆଫଗାନିସ୍ତାନଠୁ ଶୋଚନୀୟ ପରାସ୍ତ ହେଲା ଶ୍ରୀଲଙ୍କା
