କ୍ବାଲା ଲାମପୁର: ମହାମାରୀ କୋରୋନା ଭାଇରସ ଯୋଗୁଁ ଆଉ ଦୁଇଟି ମେଗା କ୍ରୀଡା ଇଭେଣ୍ଟ ବାତିଲ ହୋଇଛି । ବିଶ୍ବ ବ୍ୟାଡମିଣ୍ଟନ ଫେଡେରେସନ(BWF) ପକ୍ଷରୁ ସ୍ବିସ ଓପନ 2020 ଓ ୟୁରୋପିୟନ ଚମ୍ପିଆନସିପ 2020 ବାତିଲ ଘୋଷଣା ହୋଇଛି ।
ସ୍ବିସ ଓପନ ପୂର୍ବରୁ ମାର୍ଚ୍ଚ 17ରୁ 22 ପର୍ଯ୍ୟନ୍ତ ଖେଳାଯିବା ନେଇ ସୂଚୀ ରହିଥିଲା । ତେବେ କୋରୋନା ଭାଇର ଲକଡାଉନ କାରଣରୁ ଏହାକୁ ସ୍ଥଗିତ ରଖାଯାଇଥିଲା । ଅନ୍ୟପଟେ ୟୁରୋପିୟନ ଚମ୍ପିଆନସିପ 2020 ଏପ୍ରିଲ 21ରୁ 26 ପର୍ଯ୍ୟନ୍ତ ଉକ୍ରେନର କିଏଭରେ ଖେଳାଯିବା ନେଇ ସୂଚୀ ରହିଥିଲା । ତେବେ କୋରୋନା ଭାଇରସ ସଂକ୍ରମଣ ଭୟ କାରଣରୁ ଏହି ଇଭେଣ୍ଟକୁ ମଧ୍ୟ ସ୍ଥଗିତ ରଖାଯାଇଥିଲା ।
