ମୁମ୍ବାଇ: ନିକଟରେ ‘ନାଗିନ’ ଫେମ ପର୍ଲ ଭି ପୁରୀଙ୍କୁ ଦୁଷ୍କର୍ମ ମାମଲାରେ ମୁମ୍ବାଇ ପୋଲିସ ଗିରଫ କରିଥିଲା । ନିକଟରେ ପୀଡିତାଙ୍କ ମା' ତାଙ୍କୁ ନିର୍ଦ୍ଦୋଷ ବୋଲି କହିଥିଲେ । ହେଲେ କମିବାର ନାଁ ନେଉନାହିଁ ତାଙ୍କ ସମସ୍ୟା । କାରଣ ପର୍ଲଙ୍କ ଜାମିନ ଆବେଦନ ଖାରଜ କରିଦେଇଛନ୍ତି କୋର୍ଟ । ଜୁନ 11ରେ ଏହାର ଶୁଣାଣି ହେବାର ଥିଲା ।
ଅଭିନେତାଙ୍କୁ ମୁମ୍ବାଇର ଥାନେ ଜେଲରେ ନ୍ୟାୟିକ ହେପାଜତରେ ରଖାଯାଇଛି । ବର୍ତ୍ତମାନ ରିପୋର୍ଟ ହୋଇଛି ଯେ ଏହି ମାମଲାର ପରବର୍ତ୍ତୀ ଶୁଣାଣି ଜୁନ 15ରେ ହେବ ।
ପ୍ରକାଶ ଥାଉକି ଅନେକ ଟିଭି ସେଲିବ୍ରିଟି ପର୍ଲ ବିଷୟରେ କ୍ରମାଗତ ଭାବରେ ତାଙ୍କୁ ସମର୍ଥନ କରୁଛନ୍ତି । ରାକ୍ଷୀ ସାୱନ୍ତ ଠାରୁ ଆରମ୍ଭ କରି ଏକତା କପୁର ପର୍ଯ୍ୟନ୍ତ ସମସ୍ତେ ତାଙ୍କ ସହିତ ଠିଆ ହୋଇ ତାଙ୍କୁ ସମର୍ଥନ କରୁଥିବା କଥା କହିସାରିଛନ୍ତି ।
ସେହିପରି ନିଆ ଶର୍ମାଙ୍କ ପରି ଅନେକ ସେଲିବ୍ରିଟି ପର୍ଲଙ୍କୁ ନିର୍ଦ୍ଦୋଷ ବୋଲି କହିଛନ୍ତି । ସେମାନେ ସମସ୍ତେ ସୋସିଆଲ ମିଡିଆରେ ତାଙ୍କର ନ୍ୟାୟ ଦାବି ମଧ୍ୟ କରୁଛନ୍ତି ।
