ହାଇଦ୍ରାବାଦ: ଟିଭିର ମୋଷ୍ଟ ପପୁଲାର ଶୋ କସୌଟି ଜିନ୍ଦେଗୀରେ କୋମୋଲିକା ଚରିତ୍ରକୁ ଦର୍ଶକ ଖୁବ ପସନ୍ଦ କରିଥିଲେ । ଏହି ଚରିତ୍ର ମାଧ୍ୟମରେ ହିନା ନିଜ ପାଇଁ ଏକ ଅଲଗା ପରିଚୟ ସୃଷ୍ଟି କରିପାରିଥିଲେ । କିଛି ଦିନରୁ ଖବର ମିଳୁଥିଲା କି ହିନା ଶୋ ଛାଡି ପାରନ୍ତି । ତେବେ ଶେଷରେ ହିନା ଶୋକୁ ଅଲବିଦା କହିଛନ୍ତି ।
ଶୋର ଷ୍ଟାରକାଷ୍ଟ ହିନାଙ୍କୁ ସୁଟିଂ ସେଟରେ ଫେରୱେଲ ପାର୍ଟି ଦେଇଛନ୍ତି । ଫେରୱେଲ ପାର୍ଟିରେ ଖୁବ ମସ୍ତି କରିବା ସହ ଟିକେ ଇମୋଶନାଲ ବି ହୋଇଥିଲେ ହିନା । ସୁଟିଂ ପରେ ଟିମ ମେମ୍ବରଙ୍କ ସହ କେକ କାଟିଥିଲେ ହିନା ।
ଶୋ ର ମୁଖ୍ୟ ଭୂମିକାରେ ଥିବା ପ୍ରେରଣା ଓ ଅନୁରାଗ କୋମୋଲିକାଙ୍କ ମୁହଁରେ ଖୁବ କେକ ଲଗେଇଥିବାର ଏକ ଭିଡିଓରେ ଦେଖାଯାଇଛି । ଭିଡିଓ ପୋଷ୍ଟ କରିଛନ୍ତି ଅନୁରାଗ ଚରିତ୍ରରେ ଥିବା ପାର୍ଥ ।
ତେବେ ଶୋ କୁ ପୁଣି ଫେରିବା ପାଇଁ କଥା ଦେଇଛନ୍ତି ହିନା । ଶୋ ର ନିର୍ମାତା ଏକତା କପୁରଙ୍କୁ ହିନାଙ୍କ କାମ ବହୁତ ପସନ୍ଦ ଆସିଥିଲା । ତେଣୁ ପୁଣି ଶୋ କୁ ଫେରିପାରନ୍ତି ହିନା । ତେବେ ଆଗାମୀ କାନ୍ସ ଫେଷ୍ଟରେ ରେଡ କାର୍ପେଟରେ ନଜର ଆସିବେ ହିନା ଖାନ।
