ହାଇଦ୍ରାବାଦ: ‘ଦି କପିଲ ଶର୍ମା’ ଶୋ'କୁ ଆସିବେ ଅନୁପମ ଖେର । ଶୋରେ ଅନୁପମଙ୍କ ପ୍ରଶ୍ନରେ କପିଲଙ୍କ ହେବ ବୋଲତି ବନ୍ଦ । ସୋନି ଟିଭିର ଅଫିସିଆଲ ଆକାଉଣ୍ଟରେ ଅନୁପମ ଖେର ଆସିଥିବା ଶୋ'ର ପ୍ରମୋ ରିଲିଜ ହୋଇଛି । ଏଥିରେ ଅନୁପମ ଖେରଙ୍କ ପ୍ରଶ୍ନରେ ଲାଜେଇ ଯାଇଛନ୍ତି କପିଲ ।
ଭିଡିଓ ସୌଜନ୍ୟ: ଟ୍ବିଟର/@SonyTV
ତେବେ ପ୍ରୋମୋରେ ଏଣ୍ଟ୍ରି ପରେ ଅନୁପମ କହିଥିଲେ, ‘ କପିଲଙ୍କ ପୁଅ ହେଉ କିମ୍ବା ଝିଅ ସେ ବହୁତ ଦୁଷ୍ଟ ହେବ । କପିଲଙ୍କ ଶୋ'ରେ କପିଲଙ୍କୁ ପଚାରୁଛନ୍ତି ଏପରି କିଛି ଖବର ଅଛି କି!’ । ଏହାପରେ କପିଲ ଲାଜେଇ ଯାଇଥିଲେ ।
ପ୍ରକାଶଥାଉକି, କପିଲଙ୍କ ପତ୍ନୀ ଗିନ୍ନି ମା ହେବାକୁ ଯାଉଛନ୍ତି ବୋଲି ମିଡିଆରେ ଖବର ଜୋରସୋରରେ ଚାଲିଛି । କପିଲ ମଧ୍ୟ ଜଲଦି କାମ ସାରି ଘରକୁ ପଳାଉଛନ୍ତି । ତେବେ ଏହା ବିଷୟରେ ସତ୍ୟତା ଏ ଯାଏଁ ଜଣା ପଡିନାହିଁ ।
