ହାଇଦ୍ରାବାଦ: ତେଲୁଗୁ ଅଭିନେତା ମହେଶ ବାବୁଙ୍କ ଫିଲ୍ମ ମହର୍ଷି ଆସନ୍ତାକାଲି [ମେ 9]ରେ ରିଲିଜ ହେବ । କିନ୍ତୁ ଏହା ପୂର୍ବରୁ ଫିଲ୍ମର ପ୍ରଯୋଜକ ଦିଲ ରାଜୁଙ୍କ ଅଫିସରେ ଆୟକର ବିଭାଗ ଚଢଉ କରିଛି । ମହର୍ଷି ରିଲିଜ ପୂର୍ବରୁ ବେଶ ଭଲ ରୋଜଗାର କରିସାରିଲାଣି । ପ୍ରାୟ 150 କୋଟି ଟଙ୍କା ଆୟ କରିସାରିଲାଣି ଏହି ଫିଲ୍ମ ।
ପ୍ରଥମେ ମଧ୍ୟ ଏପରି ଉଦାହରଣ ଦେଖିବାକୁ ମିଳିଛି କି ଫିଲ୍ମ ରିଲିଜ ପୂର୍ବରୁ ହିଁ ଚଢଉ କରାଯାଇଛି । ତେବେ ଚଢଉ ପରେ ଏପରି କଥା ଶୁଣିବାକୁ ମିଳୁଛି ଯେ, ଫିଲ୍ମ ର ରିଲିଜ ଉପରେ ଏହାର ପ୍ରଭାବ ପଡିପାରେ ।
ମହର୍ଷି ଫିଲ୍ମ ମହେଶ ବାବୁଙ୍କ 25ତମ ଫିଲ୍ମ । ଫିଲ୍ମରେ ମହେଶଙ୍କ ସହ ପୂଜା ହେଗଡେଙ୍କୁ ଦେଖିବାକୁ ମିଳିବ । ତେବେ ଫିଲ୍ମର କାହାଣୀରେ ମହେଶଙ୍କୁ ତିନୋଟି ଭିନ୍ନ ଚରିତ୍ରରେ ଦେଖିବାକୁ ମିଳିବ ।
