ହାଇଦ୍ରାବାଦ: ଜାଭେଦ ଜାଫ୍ରିଙ୍କ ପୁଅ ମିଜାନ ଫୁବ ଶୀଘ୍ର ବଲିଉଡରେ ଏଣ୍ଟ୍ରି ମାରିବାକୁ ଯାଉଛନ୍ତି । ସଞ୍ଜୟ ଲୀଲା ଭଂସାଲିଙ୍କ ଭାଣିଜି ଶର୍ମିନ ସେଗଲଙ୍କ ସହ ଫିଲ୍ମ ‘ମଲାଲ’ ରୋମାନ୍ସ କରିବେ ମିଜାନ । ନିକଟରେ ‘ମଲାଲ’ର ଗୀତ ‘ଆଇଲା ରେ’ରିଲିଜ ହୋଇଥିଲା ।
ଭିଡିଓ ସୌଜନ୍ୟ: ଇନଷ୍ଟାଗ୍ରାମ/meezaanj
ତେବେ ଏହି ଗୀତରେ ପୁଅ ମିଜାନଙ୍କ ସହ ଜାଭେଦ ନାଚୁଥିବାର ଏକ ଭିଡିଓ ସେୟାର ଭାଇରାଲ ହୋଇଛି । ଏଥିରେ ପ୍ରଥମ ଥର ଜାଭେଦ ଓ ପୁଅ ମିଜାନ ନାଚ କରିଛନ୍ତି । ଏନେଇ ବହୁତ ଖୁସି ଥିବା ସହ ବାପାଙ୍କୁ ଧନ୍ୟବାଦ ଜଣାଇଛନ୍ତି ମିଜାନ ।
ମିଜାନଙ୍କ ପ୍ରଥମ ଗୀତକୁ ସ୍ମରଣୀୟ ବନେଇଥିବାରୁ ସେ କୋରିଓଗ୍ରାଫର ଗଣେଶ ଆଚାର୍ଯ୍ୟ ଓ ସଞ୍ଜୟ ଲୀଲା ଭଂସାଲିଙ୍କୁ ମଧ୍ୟ ଧନ୍ୟବାଦ ଜଣେଇଛନ୍ତି । ପ୍ରକାଶ ଥାଉକି, ସଞ୍ଜୟ ଲୀଲା ଭଂସାଲି ଉଭୟ ମିଜାନ ଓ ଶର୍ମିନଙ୍କୁ ବଲିଉଡରେ ଉପସ୍ଥାପନା କରିବେ ।
ଫିଲ୍ମର ନିର୍ଦ୍ଦେଶନା ଦେଇଛନ୍ତି ମଙ୍ଗେଶ ହଦୱାଲା ଓ ପ୍ରଯୋଜନା ଭାର ସମ୍ଭାଳିଛନ୍ତି ଭୂଷଣ କୁମାର, ମହାବୀର ଜୈନ ଓ କ୍ରିଷ୍ଣା କୁମାର । ଫିଲ୍ମଟି ଜୁଲାଇ 5ରେ ପରଦାକୁ ଆସିବ ।
