ମୁମ୍ବାଇ: ଫିଲ୍ମ ନିର୍ମାତା ବିଧୁ ବିନୋଦ ଚୋପ୍ରା ନିଜର ଆଗାମୀ ଫିଲ୍ମ ‘ଶିକାରା’ର ଘୋଷଣା କରିଛନ୍ତି। ଅନ୍ୟପଟେ ତାଙ୍କ ହିଟ୍ ଫିଲ୍ମ ‘ପରିନ୍ଦା’ ରିଲିଜକୁ ଦଶ ବର୍ଷ ପୂରଣ ହୋଇଛି। ଏହି ଅବସରରେ ସେ ନିଜର ଅଫିସିଆଲ ଟ୍ବିଟର ଆକାଉଣ୍ଟରେ ଏହାର ଘୋଷଣା କରିଛନ୍ତି। ଏନେଇ ଏକ ପୋଷ୍ଟ କରି ଘୋଷଣା କରାଯାଇଛି ଯେ ଫିଲ୍ମ ‘ଶିକାରା-ଏ ଲଭ ଲେଟର ଫର୍ମ କଶ୍ମୀର’ ଆସନ୍ତା ବର୍ଷ ଫେବୃଆରୀ 21ରେ ରିଲିଜ ହେବ। ଫକ୍ସ ଷ୍ଟାର ହିନ୍ଦୀ ଦ୍ବାରା ପ୍ରସ୍ତୁତ ଏହି ଫିଲ୍ମର ପ୍ରଯୋଜନା ଦାୟିତ୍ବ ତୁଲାଇବେ ବିଧୁ ବିନୋଧ ଚୋପ୍ରା।
ଏମିତି ପ୍ରଥମ ଥର ହୋଇନାହିଁ ଯେବେ ବିଧୁ କଶ୍ମୀର ଥିମ ଉପରେ ଫିଲ୍ମ ନିର୍ମାଣ କରିବେ। ଏହାପୂର୍ବରୁ ସେ ଥ୍ରିଲର ଫିଲ୍ମ ‘ମିଶନ କଶ୍ମୀର’ 2000ରେ ନିର୍ମାଣ କରିଥିଲେ। ସବୁଠାରୁ ମୁଖ୍ୟ ଏକଥା ହେଲା କି ବିଧୁଙ୍କ ଫିଲ୍ମ ‘ଶିକାରା’ ସହ ବଲିଉଡର ଆଉ ତିନୋଟି ବିଗ୍ ବଜେଟ ଫିଲ୍ମ ରିଲିଜ ହେବାକୁ ଯାଉଛି।
ଏହି କ୍ରମରେ ସାମିଲ ଅଛି ବିଗ ବି ଅମିତାଭ ବଚ୍ଚନଙ୍କ ଓ ଇମରାନ ହାସମୀଙ୍କ ଚର୍ଚ୍ଚିତ ଫିଲ୍ମ ‘ଚେହରା’ । ହ୍ୟାଣ୍ଡସମ ଅଭିନେତା ବିକ୍କୀ କୌଶଲଙ୍କ ‘ଭୂତ୍’ । ଏହାସହ ଅନୁରାଗ କଶ୍ୟପଙ୍କ ଅପକମିଂ ଫିଲ୍ମ ମଧ୍ୟ ରିଲିଜ ହେବାକୁ ଯାଉଛି । କିନ୍ତୁ ଏଯାବତ ଅନୁରାଗଙ୍କ ଫିଲ୍ମ ଟାଇଟଲ ଘୋଷଣା ହୋଇନାହିଁ ।
ପ୍ରକାଶ ଥାଉକି ଏହି ଫିଲ୍ମ ମୁହାଁମୁହିଁରେ ବକ୍ସ ଅଫିସରେ ମେକର୍ସଙ୍କୁ ସହିବାକୁ ପଡିପାରେ କ୍ଷତି । କାରଣ ଦର୍ଶକଙ୍କ ମଧ୍ୟ କେଉଁ ଫିଲ୍ମ ପ୍ରଥମେ ଦେଖିବା ତାହା ନେଇ ଦ୍ବନ୍ଦ୍ବରେ ଆସିପାରନ୍ତି ।
