ମୁମ୍ବାଇ: ହ୍ୟାଣ୍ଡସମ ବରୁଣ ଧୱନ ଓ ସୁନ୍ଦରୀ ଅଭିନେତ୍ରୀ ଶ୍ରଦ୍ଧା କପୁରଙ୍କ ଚର୍ଚ୍ଚିତ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’ କୁ ନେଇ ବ୍ୟାକୁଳ ଦର୍ଶକେ। ଏବେ ପୁଣି ଦର୍ଶକଙ୍କ ଏକ୍ସାଇଟମେଣ୍ଟ ଦୁଇଗୁଣା ବଢିଯାଇଛି। କାରଣ ରିଲିଜ ହୋଇଯାଇଛି ଫିଲ୍ମର ଜବରଦସ୍ତ ଟ୍ରେଲର। ଟ୍ରେଲର ଦେଖିବା ପରେ ସମସ୍ତେ କହିବେ କି ଏହା ଏହି ଯୁଗର 3ଡି ଡାନ୍ସ।
ଟ୍ରେଲରରେ ଭାରତ-ପାକିସ୍ତାନ ଡାନ୍ସ ପ୍ରତିଯୋଗୀତାରେ ଦେଶଭକ୍ତି ମଧ୍ୟ ଦେଖିବାକୁ ମିଳୁଛି। ଫିଲ୍ମରେ ବରୁଣ ଭାରତର ଡାନ୍ସ ପ୍ରତିଯୋଗୀ ହୋଇଥିବା ବେଳେ ଶ୍ରଦ୍ଧା ପାକିସ୍ତାନର ଡାନ୍ସର ସାଜିଛନ୍ତି। ଦୁଇଜଣଙ୍କ ମଧ୍ୟରେ ପ୍ରତିଯୋଗିତା ଦେଖିବାକୁ ମିଳୁଛି।
- " class="align-text-top noRightClick twitterSection" data="">
ଶ୍ରଦ୍ଧା ଓ ବରୁଣଙ୍କ ବ୍ୟତୀତ ଟ୍ରେଲରରେ ଫେମସ ବେଲୀ ଡାନ୍ସର ନୋରା ଫତେହୀ ନିର୍ଦ୍ଦେଶକ, କୋରିଓଗ୍ରାଫ ତଥା ଅଭିନେତା ପ୍ରଭୁଦେବା ଓ ଅପାରଶକ୍ତି ଖୁରାନା ମଧ୍ୟ ମୁଖ୍ୟ ଭୂମିକାରେ ନଜର ଆସୁଛନ୍ତି। ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି କୋରିଓଗ୍ରାଫର, ନିର୍ଦ୍ଦେଶକ ରେମୋ ଡିସୁଜା ।
‘ଷ୍ଟ୍ରିଟ ଡାନ୍ସର 3ଡି’ ଫିଲ୍ମକୁ ଆସନ୍ତା ବର୍ଷ ଜାନୁଆରୀ 24ରେ ରିଲିଜ କରିବାର ଯୋଜନା କରିଛନ୍ତି ମେକର୍ସ । ପ୍ରକାଶ ଥାଉକି ‘ଷ୍ଟ୍ରୀଟ ଡାନ୍ସର 3ଡି’ 2013ରେ ଆସିଥିବା ‘ଏବିସିଡି’ ଫ୍ରାଞ୍ଚାଇଜର ତୃତୀୟ ସଂସ୍କରଣ । ଫିଲ୍ମଟି ଟି-ସିରିଜ ବ୍ୟାନରେ ରିଲିଜ ହେବାକୁ ଯାଉଛି।
