ମୁମ୍ବାଇ: ଫିଲ୍ମ ‘ହାଉସଫୁଲ 4’ର ଅଭିନେତା ଅକ୍ଷୟ କୁମାର ଯେବେ ଠାରୁ ବାଲା ଚ୍ୟାଲେଞ୍ଜ ଆରମ୍ଭ କରିଛନ୍ତି ସେବେଠାରୁ ଇଣ୍ଟରନେଟରେ ଚହଳ ସୃଷ୍ଟି କରିଛି। ଯାହାକୁ କିଛି ସେଲିବ୍ରିଟି ସ୍ବୀକାର ମଧ୍ୟ କରିସାରିଛନ୍ତି । ଏହି ଚ୍ୟାଲେଞ୍ଜ ସ୍ବୀକାର କରିଥିବା ସେଲିବ୍ରିଟିଙ୍କ ଲିଷ୍ଟରେ ଏବେ ନୂଆ ନାଁ ସାମିଲ ହୋଇଛି । ଆଜ୍ଞା ହଁ, ହ୍ୟାଣ୍ଡସମ ଆକ୍ଟର ବରୁଣ ଧୱନ ବି ଏବେ ଚ୍ୟାଲେଞ୍ଜକୁ ଗ୍ରହଣ କରିଛନ୍ତି । ଆଉ କହିଛନ୍ତି କି ସେ ମଧ୍ୟ ବାଲା ଅନ୍ଦାଜରେ ସବୁବେଳେ ଫିଲ୍ମ ସେଟକୁ ଯାଉଛନ୍ତି ।
- " class="align-text-top noRightClick twitterSection" data="
">
ବରୁଣ କୋରିଓଗ୍ରାଫର ଗଣେଶ ଆଚାର୍ଯ୍ୟଙ୍କ ସହ ଇନଷ୍ଟାଗ୍ରାମରେ ଏକ ଭିଡିଓ ଅପଲୋଡ କରିଛନ୍ତି । କ୍ଲିପରେ ଦୁଇଜଣ ଆଗାମୀ ଫିଲ୍ମ ‘ହାଉସଫୁଲ 4’ର ପପୁଲାର ଗୀତ ‘ସଇତାନ କା ଶାଲ’ ର ସିଗ୍ନେଚର ଷ୍ଟେପ ବାଲା ବାଲା କରୁଥିବାର ନଜର ଆସୁଛନ୍ତି ।
ଆଉ ଏହାର କ୍ୟାପସନରେ ସେ ଲେଖିଛନ୍ତି, ‘ଏହିପରି ମୁଁ ସବୁବେଳେ ମାଷ୍ଟରଜିଙ୍କ ସହ ସେଟକୁ ଯାଉଛି । ବାଲାକୁ ଶୁଭକାମନା ।’ ପ୍ରକାଶ ଥାଉକି ଅକ୍ଷୟଙ୍କ ବାଲା ଚ୍ୟାଲେଞ୍ଜକୁ ପୂର୍ବରୁ ଆୟୁଷ୍ମାନ ଖୁରାନା, ଦିଲଜିତ ଦୋସାଞ୍ଝ, କିୟାରା ଆଡଭାନୀ ଓ କରୀନା କପୁର ଖାନ ସହ ଅନେକ ସେଲିବ୍ରିଟି ଗ୍ରହଣ କରିସାରିଛନ୍ତି । ଏବେ ଆପଣ ମଧ୍ୟ ସାମିଲ ହୋଇଯାଆନ୍ତୁ ବାଲା ଚ୍ୟାଲେଞ୍ଜରେ ।
ପ୍ରକାଶ ଥାଉକି ଅକ୍ଟୋବର 26ରେ ରିଲିଜ ହେବାକୁ ଯାଉଥିବା ଅକ୍ଷୟଙ୍କ ଏହି କମେଡି ଫିଲ୍ମ ହାଉସଫୁଲରେ ରିତେଶ ଦେଶମୁଖ, ବବି ଦେଓଲ, କ୍ରିତି ସାନନ, କ୍ରିତି ଖରବାନ୍ଦା ଓ ପୂଜା ହେଗଡେ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ ।
