ମୁମ୍ବାଇ: ଅଭିନେତା ଋଷି କପୁର ଏବଂ ଇରଫାନ ଖାନଙ୍କ ଅକାଳ ବିୟୋଗ ଖବର ଶୁଣି ଚଳଚ୍ଚିତ୍ର ଜଗତରେ ଏବଂ ସେମାନଙ୍କ ପ୍ରଶଂସକମାନଙ୍କ ମଧ୍ୟରେ ଶୋକର ଲହରୀ ଖେଳିଯାଇଥିଲା ।
ମେଗାଷ୍ଟାର ଅମିତାଭ ବଚ୍ଚନ ରବିବାର 1977 ବ୍ଲକବଷ୍ଟର ଚଳଚ୍ଚିତ୍ର ଅମର ଆକବର ଆନ୍ଥୋନୀ ଫିଲ୍ମର ଏକ ମଜାଳିଆ କ୍ଲିପ ଭିଡିଓ ସେୟାର କରି ଲୋକମାନଙ୍କ ମୁହଁରେ ହସ ଫୁଟାଇବାକୁ ଚେଷ୍ଟା କରିଥିଲେ ।
ଦୁଇ ମିନିଟ ଏବଂ 19 ସେକେଣ୍ଡ ଲମ୍ବା ଭିଡିଓରେ, ଅଭିନେତା ନିଜକୁ ଦର୍ପଣ ଆଡକୁ ଚାହିଁ ମଦ୍ୟପାନ କରି କିଛି କହୁଥିବାର ନଜର ଆସିଛନ୍ତି ।
'ଅମର ଆକବର ଆନ୍ଥୋନୀ'ରୁ ଏକ ମଜାଳିଆ କ୍ଲିପ ପୋଷ୍ଟ କରି ବିଗ ବି ଲେଖିଛନ୍ତି ଯେ, ଦୁଖ ଚିରସ୍ଥାୟୀ ଅଟେ । ଦୁଖ ଆମକୁ କେବେ ଛାଡିବ ନାହିଁ, କିନ୍ତୁ ବର୍ତ୍ତମାନ ଆମକୁ ସକରାତ୍ମକତାର ସହିତ ରହିବାର ସମୟ ଅଟେ । ତେଣୁ ମୁହଁରେ ହସକୁ ଫେରାଇ ଆଣ ।
କେବଳ ମଜାଳିଆ ଚଳଚ୍ଚିତ୍ରର କ୍ଲିପ ନୁହେଁ, ବିଗ ବି ତାଙ୍କ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରି ମଧ୍ୟ ଲୋକମାନଙ୍କ ମୁହଁରେ ହସ ଆଣିବାକୁ ଚେଷ୍ଟା କରିଛନ୍ତି ।
ଏହି ଫଟୋର କ୍ୟାପସନରେ ବିଗ ବି ଲେଖିଥିଲେ ଯେ, ଗତକାଲି....ଯେତେବେଳେ ମୁଁ ପାଞ୍ଚ ବର୍ଷ ପୂର୍ବେ ଏହାକୁ ପିନ୍ଧିଥିଲି, ସେତେବେଳେ ଏହା ମତେ ଫିଟ ହେଉଥିଲା । 1977 ରେ ମୁକ୍ତିଲାଭ କରିଥିବା ଅମର ଆକବର ଆନ୍ଥୋନୀରେ ଋଷି କପୁର ଏବଂ ବିନୋଦ ଖାନ୍ନା ମୁଖ୍ୟ ଭୂମିକାରେ ଅଭିନୟ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
