ନୂଆଦିଲ୍ଲୀ: ଚଳଚ୍ଚିତ୍ର ନିର୍ମାତା ଗୌରୀ ସିନ୍ଦେଙ୍କ ଦ୍ବାରା ନିର୍ମିତ ‘ଡିୟର ଜିନ୍ଦଗୀ’ରେ ସୁପରଷ୍ଟାର ଶାହରୁଖ ଖାନ ଏବଂ ଅଭିନେତ୍ରୀ ଆଲିଆ ଭଟ୍ଟଙ୍କୁ ପ୍ରଥମ ଥର ପାଇଁ ପରଦାରେ ଏକାଠି ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରରେ ଉଭୟଙ୍କର କେମେଷ୍ଟ୍ରିକୁ ପ୍ରଶଂସକମାନେ ବହୁତ ପସନ୍ଦ କରିଥିଲେ ।
- " class="align-text-top noRightClick twitterSection" data="
">
ଗୁରୁବାର ଶାହରୁଖ ଖାନ ଏବଂ ଆଲିଆ ଭଟ୍ଟଙ୍କ ଏକ ଥ୍ରୋବ୍ୟାକ ଫଟୋ ସକାଳୁ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ଫଟୋରେ ଶାହରୁଖ ଏବଂ ଆଲିଆ କ୍ୟାମେରା ଆଗରେ ଏକ ସୁନ୍ଦର ପୋଜ କରୁଥିବାର ନଜର ଆସିଛନ୍ତି ।
ଏହି ଫଟୋରେ ଆଲିଆ ଏକ ଧଳା ରଙ୍ଗର ପୋଷାକ ସହ ଗୋଲଡେନ କାନଫୁଲରେ ଅତି ସୁନ୍ଦର ଦେଖାଯାଉଥିଲେ । ଏହାସହ ଶାହରୁଖ କଳା ରଙ୍ଗର ପୋଷାକରେ ମଧ୍ୟ ବହୁତ ହ୍ୟାଣ୍ତସମ ଦେଖାଯାଉଥିଲେ ।
ନିକଟରେ ଆଲିଆ କିଛି ଆକର୍ଷଣୀୟ ପ୍ରୋଜେକ୍ଟ ସହିତ କାମ କରୁଛନ୍ତି, ଯେଉଁଥିରେ ଅୟାନ ମୁଖାର୍ଜୀଙ୍କ 'ବ୍ରହ୍ମାସ୍ତ୍ର', ମହେଶ ଭଟ୍ଟଙ୍କ 'ସଡକ ୨', ସଞ୍ଜୟ ଲୀଲା ଭନସାଲୀଙ୍କ 'ଗାଙ୍ଗୁବାଇ କାଠିଆୱାଡି', କରନ ଜୋହରଙ୍କ 'ତଖଥ' ଏବଂ ଏସ ରାଜାମୌଉଲିଙ୍କ ଆରଆରଆର ଅନ୍ତର୍ଭୁକ୍ତ ।
ଅନ୍ୟପକ୍ଷରେ ଶାହରୁଖ ଖାନଙ୍କୁ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ସହ ମୁଖ୍ୟ ଭୂମିକାରେ ଅୟାନ ମୁଖାର୍ଜୀଙ୍କ ‘ବ୍ରହ୍ମାସ୍ତ୍ର’ରେ ଏକାଠି ଦେଖିବାକୁ ମିଳିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
