ନୂଆଦିଲ୍ଲୀ: ନିକଟରେ ରିଲିଜ ହୋଇଥିଲା ବହୁପ୍ରତିକ୍ଷିତ ସିରିଜ ‘ଦ ଫ୍ୟାମିଲି ମ୍ୟାନ 2’ର ଟ୍ରେଲର । ମୁଖ୍ୟ ଭୂମିକାରେ ମନୋଜ ବାଜପେୟୀଙ୍କ ସହ ସାଉଥ ଅଭିନେତ୍ରୀ ସାମନ୍ଥା । ଜବରଦସ୍ତ ଆକ୍ସନ ଷ୍ଟଣ୍ଟ ନେଇ ଫେରିଲେ ମନୋଜ । ସେପଟେ ଏହି ସିରିଜ ଜରିଆରେ ହିନ୍ଦୀ ଅଭିନୟ ଦୁନିଆରେ ଡେବ୍ୟୁ କରୁଛନ୍ତି ସାମନ୍ଥା । ଏହି ସିରିଜ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ଷ୍ଟ୍ରିମିଂ ହେବ ସିରିଜ । ଏବେ ରିଲିଜ ପୂର୍ବରୁ ବିବାଦ ଘେରରେ‘ଦ ଫ୍ୟାମିଲି ମ୍ୟାନ 2’।
- " class="align-text-top noRightClick twitterSection" data="">
ଟ୍ରେଲରରେ ଦେଖାଯାଇଥିବା କିଛି ସୀନକୁ ନେଇ ଏବେ ଅସନ୍ତୋଷ ଦେଖାଦେଇଛି ।
ନାମ ତାମିଲନର୍ କାଚି (NTK) ପ୍ରତିଷ୍ଠାତା ସିମନ ଶୁକ୍ରବାର ଦିନ ଆମାଜନ ପ୍ରାଇମ ୱେବ୍ ସିରିଜ୍ ‘ଦ ଫ୍ୟାମିଲି ମ୍ୟାନ 2’ କୁ ବନ୍ଦ କରିବାକୁ କହିଛନ୍ତି ।
ବାସ୍ତବରେ, ‘ଦ ଫ୍ୟାମିଲି ମ୍ୟାନ 2’ ର କାହାଣୀ ଲିବରେସନ୍ ଟାଇଗର୍ସ୍ ଅଫ୍ ତାମିଲ୍ ଇଲାମ୍ (LTTE) ଉପରେ ଆଧାରିତ । ଏହା ଶ୍ରୀଲଙ୍କାର ଏକ ବିଦ୍ରୋହୀ ସଂଗଠନ । ଏଥିରେ ଦର୍ଶାଯାଇଛି ଯେ ଏହି ସଂଗଠନ, ପାକିସ୍ତାନୀ ଗୁପ୍ତଚର ଏଜେନ୍ସି (ଆଇଏସଆଇ) ସହିତ ହାତ ମିଳାଇ ଭାରତରେ ଆତଙ୍କବାଦୀ କାର୍ଯ୍ୟକଳାପ କରୁଛନ୍ତି । ୱେବ୍ ସିରିଜର ହିରୋ ମନୋଜ ବାଜପେୟୀ ଏହି ଆତଙ୍କବାଦୀଙ୍କ ବିରୁଦ୍ଧରେ ଏକ ମିଶନ ନେତୃତ୍ବ ନେଉଥିବାର ନଜର ଆସିଛନ୍ତି। ଏଥିସହିତ ଅଭିନେତ୍ରୀ ସାମନ୍ଥା ଜଣେ ମହିଳା ଆତଙ୍କବାଦୀ ଭୂମିକାରେ ଅଭିନୟ କରିଛନ୍ତି।
ଟ୍ରେଲର ରିଲିଜ ପରେ ଦକ୍ଷିଣ ଭାରତୀୟ ଦର୍ଶକ ଏହାକୁ ନାପସନ୍ଦ କରିଛନ୍ତି । ଏହି ୱେବ୍ ସିରିଜକୁ ତାମିଲ୍ ବିରୋଧୀ ବୋଲି ସେମାନେ ଅଭିଯୋଗ କରିଛନ୍ତି । ଅନେକ ସୋସିଆଲ ମିଡିଆ ୟୁଜର୍ସ କହିଛନ୍ତି ଯେ ‘ଦ ଫ୍ୟାମିଲି ମ୍ୟାନ 2’ ଶ୍ରୀଲଙ୍କାରେ ଦୀର୍ଘ ବର୍ଷ ଧରି ଚାଲିଥିବା ସଂଗ୍ରାମକୁ ଅପମାନିତ କରିବା ପାଇଁ ଏହା ଏକ ପ୍ରୟାସ । ତେବେ ‘ଦ ଫ୍ୟାମିଲି ମ୍ୟାନ’ ରେ ଶ୍ରୀକାନ୍ତଙ୍କ ଅନ୍ଦାଜ ପୁଣିଥରେ ଦେଖିବାକୁ ମିଳୁଛି । ଏଥର ସିଜନରେ ଶ୍ରୀକାନ୍ତଙ୍କୁ ସାହାସୀ ଶତ୍ରୁ ରାଜିର ସାମ୍ନା କରିବାକୁ ପଡିବ । ଯେଉଁ ଭୂମିକାରେ ଅଭିନୟ କରୁଛନ୍ତି ସାମନ୍ଥା । 9ଟି ଏପିସୋଡରେ ଦମଦାର ଆକ୍ସନ ଶାନଦାର ଷ୍ଟଣ୍ଟ ଦେଖିବାକୁ ପାଇବେ ଦର୍ଶକ ।
