ମୁମ୍ବାଇ: ବଲିଉଡର ଛୋଟେ ନୱାବ ତୈମୁର ଅଲ୍ଲୀ ଖାନଙ୍କ ଫ୍ୟାନ ଫଲୋଇଂ କୌଣସି ସୁପରଷ୍ଟାର ଠାରୁ କମ ନୁହେଁ । ତାଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥାଏ । ତୈମୁର ଫିଲ୍ମରେ କାମ କରିବା କଥାକୁ ନେଇ ମମ୍ମି କରୀନା କପୁର ଖାନ ଓ ପିତା ସୈଫ ଅଲ୍ଲୀ ଖାନଙ୍କୁ ପ୍ରାୟତଃ ଫ୍ୟାନ୍ସ ପ୍ରଶ୍ନ କରିଥାଆନ୍ତି । ଏବେ ସେହି ଫ୍ୟାନ୍ସଙ୍କ ପାଇଁ ଖୁସି ଖବର ଆସିଯାଇଛି । ଆଜ୍ଞା ହଁ, ତୈମୁର ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି ।
ତୈମୁରଙ୍କ ମମ୍ମି କରୀନାଙ୍କ ଆଗାମୀ ଫିଲ୍ମ 'ଗୁଡ ନ୍ୟୁଜ'ରେ କାମ କରୁଥିବାର ନଜର ଆସିବେ । ଏହି ଫିଲ୍ମରେ କରୀନାଙ୍କ ଅପୋଜିଟରେଅକ୍ଷୟ କୁମାର ମଧ୍ୟ ଅଛନ୍ତି ।
ଖବର ଅନୁଯାୟୀ ତୈମୁର 'ଗୁଡ ନ୍ୟୁଜ'ରେ ନଜର ଆସିବେ । ସେ ଦୁଇଟି ସିନ୍ସର ସୁଟିଂ ମଧ୍ୟ କରିସାରିଛନ୍ତି । ସିନରେ ତାଙ୍କ ସହ ଅକ୍ଷୟ ଓ କରୀନା ମଧ୍ୟ ଦେଖାଯିବେ । ଏବେ ଯେଉଁ ଭିଡିଓ ଭାଇରାଲ ହେଉଛି, ତାହା ସେହି ସିନରୁ ନିଆଯାଇଥିବା ଟିମ ସଟ୍ । ଫିଲ୍ମରେ ତୈମୁର ପାଖାପାଖି 10 ମିନିଟ୍ ପର୍ଯ୍ୟନ୍ତ ନଜର ଆସିବେ ।
ଜଣାଇ ଦେଉଛୁ ଯେ କିଛି ଦିନ ପୂର୍ବରୁ ତୈମୁରଙ୍କ ଏକ ଭିଡିଓ ଖୁବ ଭାଇରାଲ ହୋଇଥିଲା । ଯେଉଁଥିରେ ସେ ଅଭିନେତ୍ରୀ କିୟାରା ଆଡୱାନୀଙ୍କ ସହ ଖେଳୁଥିବାର ନଜର ଆସିଥିଲେ।
