ମୁମ୍ବାଇ: ସମସ୍ତେ ଲକଡାଉନ ଶେଷ ହେବାକୁ ଅପେକ୍ଷା କରିଛନ୍ତି । ଏହାମଧ୍ୟରେ ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ଲକଡାଉନ ଶେଷ ହେବା ପରେ ତାଙ୍କର ଓ୍ବିସଲିଷ୍ଟର ଖୁଲାସା କରିଛନ୍ତି ।
ଲକଡାଉନ ପରେ କଣ କରିବା ନେଇ ପଚାରାଯାଇଥିବା ପ୍ରଶ୍ନରେ ସୋନାକ୍ଷୀ କହିଛନ୍ତି, ମୁଁ କେବଳ ମୋର ସମସ୍ତ ସାଙ୍ଗମାନଙ୍କ ସହ ଭେଟି ପାର୍ଟି କରିବାକୁ ଏବଂ କାମକୁ ଫେରିବାକୁ ଚାହୁଁଛି ! ଯଦି ଆମେ ସମସ୍ତେ ଘରେ ରହିଲେ କୋରେନାଭାଇରସର ବିସ୍ତାରକୁ ରୋକି ପାରୁଛୁ, ତାହେଲେ ଲକଡାଉନରେ ଘରେ ରହିବାରେ ମୋର କୌଣସି ଆପତ୍ତି ନାହିଁ ।
ଲକଡାଉନ ସମୟରେ ସୋନାକ୍ଷୀ ତାଙ୍କ ପରିବାର ସହ ଘରେ ରହି ସମୟ ବିତାଉଛନ୍ତି ।
ପରବର୍ତ୍ତୀ ସମୟରେ ସୋନାକ୍ଷୀ ଖୁବ୍ ଶୀଘ୍ର 'ଭୁଜ୍: ଦ ପ୍ରାଇଡ୍ ଅଫ୍ ଇଣ୍ଡିଆ'ରେ ନଜର ଆସିବେ । ଏହି ଚଳଚ୍ଚିତ୍ରରେ ଅଜୟ ଦେବଗନ, ସଞ୍ଜୟ ଦତ୍ତ, ଶରଦ କେଲକର, ଏମି ଭିର୍କ ଏବଂ ପ୍ରଣିତା ସୁଭାଷ ମଧ୍ୟ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
