ନୂଆଦିଲ୍ଲୀ: ସାରା ଅଲୀ ଖାନ ବଲିଉଡରେ ଡେବ୍ୟୁ କରିବା ଦିନଠାରୁ ଅଭିନେତା ଟାଇଗର ଶ୍ରଫଙ୍କ ସହ ତାଙ୍କ ନାଁ ଅନେକ ଥର ଚର୍ଚ୍ଚାରେ ଥିଲା । ପୂର୍ବରୁ ଶୁଣିବାକୁ ମିଳିଥିଲା ଯେ ନିର୍ମାତା ସାଜିଦ ନାଡିଆଡୱାଲା ମଧ୍ୟ ସାରାଙ୍କ ସହ ‘ହିରୋପନ୍ତୀ 2’ କରିବାକୁ ନିଷ୍ପତ୍ତି ନେଇଥିଲେ । ତେବେ କିନ୍ତୁ ସୁଶାନ୍ତଙ୍କ ମୃତ୍ୟୁ ସହ ଚାଲିଥିବା ଡ୍ରଗ୍ସ ମାମଲାରେ ଏନସିବି ସାରାଙ୍କୁ ଡକାଇଥିବାରୁ ସାଜିଦ ସାରାଙ୍କ ନାମ ଫିଲ୍ମରୁ ହଟାଇ ଦେଇଥିଲେ ।
ରିପୋର୍ଟ ଅନୁଯାୟୀ, ଏବେ ସାଜିଦ ସାରାଙ୍କୁ ତାଙ୍କ ଫିଲ୍ମରେ ଏକ ବଡ ରୋଲ ଅଫର କରିଛନ୍ତି । ଟାଇଗରଙ୍କ ସହ ସାରାଙ୍କୁ ଫିଲ୍ମ ‘ବାଗି 4’ ରେ କାଷ୍ଟ କରାଯାଇଛି । ସାଜିଦ ଏହି ଫିଲ୍ମରେ ଫିମେଲ ଲିଡ୍ ରୋଲ ପାଇଁ ସାରାଙ୍କ ନାମ ଫାଇନାଲ କରିଛନ୍ତି ।
ସାରା ଫିଲ୍ମରେ ତାଙ୍କ ଚରିତ୍ରକୁ ମଧ୍ୟ ବହୁତ ପସନ୍ଦ କରିଛନ୍ତି ଏବଂ ବର୍ତ୍ତମାନ ତାଙ୍କ ଟିମ୍ ଫିଲ୍ମର ସୁଟିଂ ପାଇଁ ତାରିଖ ବାହାର କରିବାକୁ ଯୋଜନା କରୁଛନ୍ତି ।
ପ୍ରକାଶ ଥାଉ ଯେ, ‘ହିରୋପନ୍ତୀ 2’ର ସୁଟିଂ ଶେଷ ହେବା ମାତ୍ରେ ଟାଇଗର ' ବାଗି 4'ର ସୁଟିଂ ଆରମ୍ଭ କରିବେ । ଅପରପକ୍ଷେ ନିକଟରେ, ସାରା ତାଙ୍କ ଚଳଚ୍ଚିତ୍ର 'ଅତରଙ୍ଗୀ ରେ'ର ସୁଟିଂ ଶେଷ କରିସାରିଛନ୍ତି।
