ହାଇଦ୍ରାବାଦ: ରିଲିଜ ହୋଇଛି ବଲିଉଡ଼ ଫିଲ୍ମ 'ଅତରଙ୍ଗୀରେ' (Atrangi Re)ର ସଙ୍ଗ୍ । ଏଥିରେ ସୋଲୋ ଡ୍ୟାନ୍ସ 'ଚକା ଚକ୍'(Chaka Chak)ରେ ନଜର ଆସିଛନ୍ତି ସାରା ଅଲ୍ଲୀ ଖାନ । ଗୀତଟି ରିଲିଜ ହେବା ପରେ ଏହାର ତାଳେ ତାଳେ ରଣବୀର ସିଂଙ୍କ ସହ ସାରା ନାଚୁଥିବା ଦେଖିବାକୁ ମିଳିଛି । ଅନ୍ୟ ଷ୍ଟାର ମାଧୁରୀ ଦୀକ୍ଷିତ ଓ ଅନନ୍ୟା ପାଣ୍ଡେ ମଧ୍ୟ ଏହି ଗୀତରେ ନାଚୁଥିବାର ଭିଡ଼ିଓ କରିଛନ୍ତି ସେୟାର ।
ଦିଲ୍ଲୀରେ 'ଅତରଙ୍ଗୀ ରେ' ଫିଲ୍ମକୁ ପ୍ରମୋଟ କରୁଛନ୍ତି ସାରା । ଏହାପରେ ସେ ଦିଲ୍ଲୀରେ ଥିବା ଫିଲ୍ମ ନିର୍ଦ୍ଦେଶକ କରନ ଜୋହର ଓ ଅଭିନେତା ରଣବୀର ସିଂଙ୍କୁ ଭେଟିଛନ୍ତି । ଏହି ସମୟରେ ସାରା ନିଜ ସିମ୍ବା(Simmba) କୋ-ଆକ୍ଟର ରଣବୀରଙ୍କ ସହିତ Chaka Chak ସଙ୍ଗ୍ରେ ନାଚୁଥିବାର ଏକ ଭିଡ଼ିଓ ସୋସିଆଲ ମିଡି଼ଆ ହ୍ୟାଣ୍ଡେଲ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଭିଡ଼ିଓ ସେୟାର କରି ସାରା ଲେଖିଛନ୍ତି ଯେ ରଣବୀର ହେଉଛନ୍ତି ସୁପର ଡୁପର ଅଲଟ୍ରା କୁଲ ଷ୍ଟାର । ସେ ପୁଣି ନିଜକୁ ରାଜା ବୋଲି ପ୍ରମାଣିତ କରିଛନ୍ତି । ତାଙ୍କ ସହିତ ଏହି ଗୀତରେ ନାଚିଥିବାରୁ ସାରା ରଣବୀରଙ୍କୁ ଧନ୍ୟବାଦ ଜଣାଇଛନ୍ତି ।
- " class="align-text-top noRightClick twitterSection" data="
">
ରଣବୀର ଓ ସାରାଙ୍କ ଏହି ମଜାଳିଆ ଡ୍ୟାନ୍ସ ଭିଡ଼ିଓକୁ ଫ୍ୟାନ୍ସ ଖୁବ ପସନ୍ଦ କରିଛନ୍ତି । ଏଥିରେ ଅନେକ ଲାଇକ୍ସ ଓ କମେଣ୍ଟ୍ସ ଆସୁଥିବା ଦେଖିବାକୁ ମିଳିଛି । ଏହି ଯୋଡ଼ି ୨୦୧୮ ମସିହାରେ ନିର୍ଦ୍ଦେଶକ ରୋହିତ ସେଟ୍ଟୀଙ୍କ ସିମ୍ବା(Simmba) ଚଳଚ୍ଚିତ୍ରରେ ପ୍ରଥମ ଥର ପାଇଁ ଏକାଠି ନଜର ଆସିଥିଲେ । ଅନ୍ୟପଟେ ସାରା 'ଅତରଙ୍ଗୀ ରେ' ଫିଲ୍ମରେ ଅଭିନୟ କରିଛନ୍ତି । ଫିଲ୍ମଟି ଆସନ୍ତା ଡିସେମ୍ବର ୨୪ ତାରିଖରେ Disney+ Hotstarରେ ରିଲିଜ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
