ମୁମ୍ବାଇ: ବଲିଉଡର ଭାଇଜାନ ସବୁବେଳେ କିଛି ନା କିଛି କାରଣ ଯୋଗୁଁ ଚର୍ଚ୍ଚାରେ ରହିଥାନ୍ତି। କେତେବେଳେ ଫିଲ୍ମ ତ ପୁଣି କେତେବେଳେ ହେଲ୍ପିଂ ନେଚର ପାଇଁ । ଏବେ କିନ୍ତୁ ଭାଇଜାନ ଆଉ କିଛି ପାଇଁ ଚର୍ଚ୍ଚାରେ ଅଛନ୍ତି । ସଲମାନ ତାଙ୍କର ବିଳାସପୂର୍ଣ୍ଣ ରେଞ୍ଜ ରୋଭର କାରକୁ ଛାଡ଼ି ଅଟୋରିକ୍ସା ଚଲାଉଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି ।
- " class="align-text-top noRightClick twitterSection" data="
">
କେବଳ ସେତିକି ନୁହେଁ, ଯେଉଁ ଅଟୋରିକ୍ସାକୁ ସଲମାନ ଚଲାଉଥିଲେ, ସେଥିରେ ପୂର୍ବରୁ ଦୁଇଜଣ ଦମ୍ପତି ମଧ୍ୟ ବସିଥିଲେ । ତେବେ ଏହି ଭିଡିଓଟି ଏବେ ବେଶ ଭାଇରାଲ ହେଉଥିବା ବେଳେ ଏହାକୁ ନେଇ ସଲୁ ଭାଇଜାନଙ୍କ ଫ୍ୟାନ୍ସ ଜବରଦସ୍ତ କମେଣ୍ଟ ମଧ୍ୟ କରୁଛନ୍ତି । କିଏ କହୁଛି ଭାଇଜନାଙ୍କ ଅଦ୍ଭୁତ ସଉକ ତ ଆଉ କିଏ ମହାନ ଏବଂ ସମସ୍ତଙ୍କ ଠାରୁ ଭିନ୍ନ ବୋଲି କିଏ କହୁଛି । ଆଉ ଜଣେ ଟ୍ରୋଲର୍ ଲେଖିଛନ୍ତି – ଯଦି କିଛି ବାକି ଅଛି, ତେବେ ତାହା ମଧ୍ୟ ପୁରା କରିଦିଅନ୍ତୁ । ଭାଇରାଲ ହେଉଥିବା ଏହି ଭିଡିଓଟି ସଲମାନଙ୍କ ପନଭେଲ ଫାର୍ମ ହାଉସ୍ ନିକଟର । ଏହି ଭିଡିଓରେ ସଲମାନ ଗୋଟିଏ ନୀଳ ଟି-ସାର୍ଟ ଓ ଗୋଟିଏ ଟୋପି ପିନ୍ଧି ରାସ୍ତାରେ ଅଟୋ ରିକ୍ସା ଚଳାଉଥିବାର ଦେଖିବାକୁ ମିଳିଛି ।
ନିକଟରେ ଜନ୍ମଦିନର ଗୋଟେ ଦିନ ପୂର୍ବରୁ ସଲମାନଙ୍କ ସାପ କାମୁଡି ଦେଇଥିବା ଖବର ସାମ୍ନାକୁ ଆସିଥିଲା । ଯାହାକୁ ଶୁଣିବା ପରେ ଫ୍ୟାନ୍ସଙ୍କ ମନ ଦୁଃଖ ହୋଇଯାଇଥିଲା । ସଲମାନଙ୍କୁ ଅତିଶୀଘ୍ର ନେଭି ମୁମ୍ବାଇର ହସ୍ପିଟାଲରୁ ନିଆଯାଇଥିଲା,ପରେ ରବିବାର ସକାଳେ ତାଙ୍କୁ ହସ୍ପିଟାଲରୁ ମୁକ୍ତ କରାଯାଇଥିଲା । ଏବେ ପୁଣି ଏକ ଖବର ଯୋଗୁଁ ସଲମାନ ଦୃଷ୍ଟି ଆକର୍ଷଣ କରିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
