ମୁମ୍ବାଇ: କ୍ରିକେଟର ଭଗବାନ ତଥା ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର 47 ବର୍ଷରେ ପଦାର୍ପଣ କରିଛନ୍ତି । ଜନ୍ମଦିନର ଏହି ଖାସ୍ ଅବସରରେ ତାଙ୍କୁ ଶୁଭେଚ୍ଛା ମିଳିବାରେ ଲାଗିଛି । ଦେଶ ବିଦେଶରୁ ତାଙ୍କ ପ୍ରଶଂସକ ସୋସିଆଲ ମିଡିଆରେ ଜନ୍ମଦିନର ଶୁଭେଚ୍ଛା ଦେଇଛନ୍ତି । ଏଥିରୁ ବାଦ ପଡିନାହାଁନ୍ତି ବଲିଉଡ, ଟଲିଉଡର ସେଲିବ୍ରିଟି । ଏହିକ୍ରମରେ ସାମିଲ ଅଛନ୍ତି ଅନେକ କଳାକାର । ତେବେ ଆସନ୍ତୁ ନଜର ପକାଇବା କିଏ କିଏ ସଚିନଙ୍କୁ ଦେଇଛନ୍ତି ଜନ୍ମଦିନର ଶୁଭେଚ୍ଛା...
ସାଉଥ ସୁପରଷ୍ଟାର ଚିରଞ୍ଜୀବି ଟ୍ବିଟରରେ ସଚିନଙ୍କୁ ଜନ୍ମଦିନର ଶୁଭେଚ୍ଛା ଦେଇଛନ୍ତି । ସେ ଏକ ଟ୍ବିଟ କରି ଲେଖିଛନ୍ତି, ‘ଜନ୍ମଦିନରେ ଅନେକ ଅନେକ ଶୁଭେଚ୍ଛା କ୍ରିକେଟର ଭଗବାନ। ଭାରତର ଗୌରବ ଓ ମାଷ୍ଟର ବ୍ଲାଷ୍ଟର ଆପଣ ଏମିତି ହିଁ ଭାରତ ପିଢିକୁ ପ୍ରେରଣା ଯୋଗାଉଥାଆନ୍ତୁ ।’ ଏହି ଟ୍ବିଟ ସହ ଚିରଞ୍ଜୀବି, ସଚିନଙ୍କ ସହ ଏକ ପୁରୁଣା ଫଟୋ ମଧ୍ୟ ସେୟାର କରିଛନ୍ତି ।
ସେହିପରି ବି-ଟାଉନର ଜୁନିୟର ବଚ୍ଚନ ଅଭିଷେକ ମଧ୍ୟ ଟ୍ବିଟରରେ ଶୁଭେଚ୍ଛା ଦେଇ ଲେଖିଛନ୍ତି, ‘ଜନ୍ମଦିନ ମୁବାରକ ହୋ ସଚିନ ତେନ୍ଦୁଲକର । ସୁସ୍ଥ, ପ୍ରେମ ଓ ସମ୍ମାନ ସବୁବେଳେ ରହୁ।’
ଅଭିଷେକଙ୍କ ବ୍ୟତୀତ ତେଲୁଗୁ ସିନେମାର ଫେମସ ଅଭିନେତା ସାଇ ଧର୍ମ ତେଜ ମଧ୍ୟ ସଚିନଙ୍କୁ ଜନ୍ମଦିନ ଶୁଭେଚ୍ଛା ଦେଇଛନ୍ତି । ସେ ଟ୍ବିଟରେ ଲେଖିଛନ୍ତି, ‘ଜଣେ ମଣିଷ କୋଟି କୋଟି ହୃଦୟର ସ୍ପନ୍ଦନ। କ୍ରିକେଟର ଭଗବାନଙ୍କୁ ଜନ୍ମଦିନର ଅନେକ ଅନେକ ଶୁଭେଚ୍ଛା।’
ମଲୟାଲମ ଅଭିନେତା ନିବିନ ପଲୀ ଟ୍ବିଟରେ ଲେଖିଛନ୍ତି, ‘ଜନ୍ମଦିନରେ ଶୁଭେଚ୍ଛା ଓ ଶୁଭକାମନା । ନୂଆ ପିଢିକୁ ପ୍ରେରଣା ଯୋଗାଉଥିବାରୁ ଧନ୍ୟବାଦ।’
