ହାଇଦ୍ରାବାଦ: ଆକ୍ସନ ପ୍ୟାକ ଫିଲ୍ମ ‘ସାହୋ’ ଖୁବ ଶୀଘ୍ର ପରଦାକୁ ଆସିବ । ଚଳିତ ବର୍ଷ ବକ୍ସ ଅଫିସରେ ଧମାଲ କରିବାକୁ ଯାଉଛି ଏହି ଫିଲ୍ମ । ପ୍ରଥମେ ଅଗଷ୍ଟ 15ରେ ଫିଲ୍ମ ରିଲିଜ ହେବାକୁ ଥିବାବେଳେ ଏହାର ରିଲିଜ ତାରିଖକୁ ପରିବର୍ତ୍ତନ କରାଯାଇ ଅଗଷ୍ଟ 30 କରାଯାଇଛି ।
ଫିଲ୍ମର ରିଲିଜକୁ ଫ୍ୟାନ୍ସ ପ୍ରତିକ୍ଷା କରିଥିବା ବେଳେ ସାମ୍ନାକୁ ଆସିଛି ଆଉ ଏକ ନୂଆ ଖବର । ଏଥର ଫ୍ୟାନ୍ସ କେବଳ ଫିଲ୍ମକୁ ନୁହେଁ ବରଂ ‘ସାହୋ ଗେମ୍’କୁ ମଧ୍ୟ ଭରପୁର ଉପଭୋଗ କରିବେ । ତେବେ ଗେମର ପ୍ରଥମ ପୋଷ୍ଟରକୁ ରିଲିଜ କରାଯାଇଛି ।
ଗେମରେ ପ୍ରଭାଷଙ୍କ ସହ ଶ୍ରଦ୍ଧାଙ୍କୁ ମଧ୍ୟ ଦେଖିବାକୁ ମିଳିବ । ଏହାର ସୂଚନା ଦେଇଛନ୍ତି ନିଜେ ପ୍ରଭାଷ । ତେବେ ଗେମର ବାକି ଫିଚର ବିଷୟରେ ଆଲୋଚନା କରାଯାଇନାହିଁ ।
ଏଠାରେ ସୂଚନାଯୋଗ୍ୟ, ପ୍ରଭାଷ ଓ ଶ୍ରଦ୍ଧାଙ୍କ ଫିଲ୍ମ ‘ସାହୋ’ର ନିର୍ଦ୍ଦେଶନା ଦେଇଛନ୍ତି ସୁଜିତ । ଫିଲ୍ମରେ ଜ୍ୟାକି ସ୍ରର୍ଫ. ନିଲ ନିତିନ ମୁକେଶଙ୍କୁ ମଧ୍ୟ ଦେଖିବାକୁ ମିଳିବ ।
