ମୁମ୍ବାଇ: ହରିୟାଣାର ପପୁଲାର ସିଙ୍ଗର ତଥା ଡାନ୍ସର ସପନା ଚୌଧୁରୀଙ୍କ ଫ୍ୟାନ୍ସ ସଂଖ୍ୟା ଆକାଶ ଛୁଆଁ । ତାଙ୍କ ଗୀତ ଏବଂ ଡାନ୍ସ ଦେଖିବାକୁ ସବୁବେଳେ ବ୍ୟାକୁଳ ଥାଆନ୍ତି ସମସ୍ତେ । ନିଜ ଶାନଦାର ଡାନ୍ସ ପାଇଁ ଚର୍ଚ୍ଚିତ ସପନା ପ୍ରାୟତଃ ସୋସିଆଲ ମିଡିଆରେ ଆକ୍ଟିଭ ରୁହନ୍ତି । ଇତିମଧ୍ୟରେ ତାଙ୍କୁ ନେଇ ପୁଣି ଚର୍ଚ୍ଚା ଜୋର ଧରିଛି । ଏହାସହ ତାଙ୍କ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ମଧ୍ୟ ସାମ୍ନାକୁ ଆସିଛି । । ଆଜ୍ଞା ହଁ, ଶୁଣିବାକୁ ମିଳୁଛି ଯେ ସପନା ମା' ହୋଇଛନ୍ତି । ସେ ବେବି ବୟକୁ ଜନ୍ମ ଦେଇଛନ୍ତି । ଗତ 4 ତାରିଖରେ ସପନାଙ୍କ ଘରକୁ କୁନି ଅତିଥି ଆସିଛନ୍ତି ।
ଏବର୍ଷ ଆରମ୍ଭରୁ ଏହି ଗୁଜବ ଶୁଣିବାକୁ ମିଳିଥିଲା ଯେ ସପନା ତାଙ୍କର ଦୀର୍ଘ ଦିନର ପ୍ରେମିକା ବୀର ସାହୁଙ୍କ ସହ ନିର୍ବନ୍ଧ କରିଥିଲେ। ସେହିପରି ଏହି ଯୋଡି ପାଖାପାଖି ଚାରି ବର୍ଷ ଧରି ପରସ୍ପରକୁ ଡେଟ କରିଆସୁଛନ୍ତି । ବୀର ପେଶାରେ ହରିୟାଣାର ଫେମସ ଗାୟକ। ଏହାବ୍ୟତୀତ ବୀର ଅନେକ ପଞ୍ଜାବୀ ଗୀତରେ ମଧ୍ୟ ନଜର ଆସିସାରିଛନ୍ତି ।
ପ୍ରକାଶ ଥାଉକି ସପନାଙ୍କ ବିବାହ ଖବର ଏଯାବତ ସାମ୍ନାକୁ ଆସିନାହିଁ । ହେଲେ ସେ ବୀରଙ୍କ ସହ ରହୁଥିବାର ଚର୍ଚ୍ଚା ଜୋର ଧରିଛି । ସେହିପରି ସପନାଙ୍କ ମା' ନିକଟରେ କହିଥିଲେ ଯେ ସପନା ଓ ବୀର ଜାନୁଆରୀରେ କୋର୍ଟ ମ୍ୟାରେଜ କରିଥିଲେ ।
