ମୁମ୍ବାଇ: ଏମିତି ବହୁତ କମ ହୋଇଥାଏ ଯେ ଏଣ୍ଟରଟେନମେଣ୍ଟ ଲଭର୍ସଙ୍କୁ ସବୁ ସରପ୍ରାଇଜ ଏକାଠି ମିଳିଥିବ । ହେଲେ ଏମିତି ହେବାକୁ ଯାଉଛି । ଆଜ୍ଞା ହଁ, 10 ତାରିଖ ତଥା ଶୁକ୍ରବାର ଏମିତି ଦେଖିବାକୁ ପାଇବେ ଦର୍ଶକ । ୱେବ ଲଭର୍ସ ଓ ସିନେ ପ୍ରେମୀଙ୍କ ପାଇଁ ଦିନଟି ଖାସ୍ ହେବ । କାରଣ 3ଟି ୱେବ ସିରିଜ ରିଲିଜ ହେବ । ଯାହାକୁ ଦେଖିବାକୁ ଦୀର୍ଘ ସମୟରୁ ଅପେକ୍ଷା କରିଛନ୍ତି ଦର୍ଶକ । ତେବେ ଆସନ୍ତୁ ନଜର ପାକାଇବା ଏହି ସରପ୍ରାଇଜ ଉପରେ...
ମୁଖ୍ୟକଥା ହେଲା ଯେ ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ‘ଦିଲ ବେଚେରା’ର ଟାଇଟେଲ ଟ୍ରାକ ଶୁକ୍ରବାର ଦିନ 12ଟାରେ ରିଲିଜ ହେବ । ଯାହାକୁ ନେଇ ଉତ୍ସାହିତ ଫ୍ୟାନ୍ସ । ଏହାପୂର୍ବରୁ ରିଲିଜ ହୋଇଥିବା ଫିଲ୍ମର ଟ୍ରେଲର ନୂଆ ରେକର୍ଡ ସୃଷ୍ଟି କରିବାରେ ସଫଳ ହୋଇସାରିଛି ।
ସେହିପରି ରିଲିଜ ହେବାକୁ ଯାଉଛି ଅଭିଷେକ ବଚ୍ଚନଙ୍କ ଡେବ୍ୟୁ ସିରିଜ ‘ବ୍ରେଥ: ଇନଟୁ ଦ ସ୍ୟାଡୋଜ ।’ ଯେଉଁଥିରେ ଅଭିଷେକଙ୍କ ସହ ନଜର ଆସିବେ ସାଉଥ ଫିଲ୍ମ ଇଣ୍ଡଷ୍ଟ୍ରିର ଫେମସ ଅଭିନେତ୍ରୀ ନିତ୍ୟା ମେନନ । ଦୁଇଜଣ ଏହି ସିରିଜ ଜରିଆରେ ଡିଜିଟାଲ ଡେବ୍ୟୁ କରୁଛନ୍ତି । ସିରିଜଟି ଆମାଜନ ପ୍ରାଇମ ଭିଡିଓରେ ଷ୍ଟ୍ରିମିଂ କରାଯିବ ।
‘ବ୍ରେଥ: ଇନଟୁ ଦ ସ୍ୟାଡୋଜ’ ବ୍ୟତୀତ ଜି 5ରେ ‘ମାଫିଆ’ ଓ ସୋନି ଲାଇଭରେ ‘ଅନଦେଖି’ ମଧ୍ୟ ଷ୍ଟ୍ରିମିଂ ହେବାକୁ ଯାଉଛି । ‘ଅନଦେଖି’ ଏକ କ୍ରାଇମ ଥ୍ରିଲର ଡ୍ରାମା ସିରିଜ । ସେହିପରି ‘ମାଫିଆ’ ସାଇକୋଲଜିକାଲ ଥ୍ରିଲର ସିରିଜ । ଏହାର ଅର୍ଥ ହେଲା ଯେ 3ଟି ସିରିଜ ଦର୍ଶକଙ୍କୁ କ୍ରାଇମ, ସସ୍ପେନ୍ସ ଓ ଫୁଲଅନ ଡ୍ରାମାର ଭରପୁର ମନୋରଞ୍ଜନ କରିବ ।
