ହାଇଦ୍ରାବାଦ: ଆୟୁଷ୍ମାନଙ୍କୁ ଖୁବ ଶୀଘ୍ର ଝିଅ ଲୁକରେ ଦେଖିବାକୁ ମିଳିବ । ଫିଲ୍ମ ‘ଡ୍ରିମଗାର୍ଲ’ରେ ମୁଖ୍ୟ ଚରିତ୍ରରେ ନଜର ଆସିବେ ଆୟୁଷ୍ମାନ । ରିଲିଜ ପୂର୍ବରୁ ଫିଲ୍ମର ଦ୍ବିତୀୟ ଗୀତ ରିଲିଜ କରାଯାଇଛି ।
ଭିଡିଓ ସୌଜନ୍ୟ: ୟୁଟ୍ୟୁବ
ପ୍ରଥମ ଗୀତ ରାଧେ ରାଧେ ଦର୍ଶକଙ୍କୁ କାଫି ପସନ୍ଦ ଆସିଥିବା ବେଳେ ଦ୍ବିତୀୟ ଗୀତ ‘ଦିଲ୍ କା ଟେଲିଫୋନ’ମଧ୍ୟ ବେଶ ମନଛୁଆଁ ଓ କମେଡିରେ ଭରପୂର ରହିଛି । ଟ୍ବିଟରରେ ଗୀତକୁ ସେୟାର କରିଥିଲେ ଭିକି ଡୋନର୍ ଆୟୁଷ୍ମାନ ।
ଫିଲ୍ମରେ ଆୟୁଷମାନଙ୍କ ସହ ନୁସରତ ଭାରୁଚାଙ୍କୁ ଦେଖିବାକୁ ମିଳିବ । ଏହାସହ ଅନେକଦିନ ପରେ ଅନୁ କପୁରଙ୍କୁ ବଲିଉଡରେ ଦେଖିବାକୁ ମିଳିବ । ଅନୁ କପୁର ଫିଲ୍ମରେ ଆୟୁଷ୍ମାନଙ୍କ ପିତାଙ୍କ ଭୂମିକାରେ ନଜର ଆସିବେ । ସେପ୍ଟେମ୍ବର 13ରେ ଫିଲ୍ମକୁ ରିଲିଜ କରାଯିବ ।
