ମୁମ୍ବାଇ: ଅକ୍ଷୟ କୁମାର ଓ ରୋହିତ ସେଟ୍ଟୀଙ୍କ ଆଗାମୀ ଆକ୍ସନ କପ ଡ୍ରାମା ଫିଲ୍ମ 'ସୂର୍ଯ୍ୟବଂଶୀ'ର ସୁଟିଂ ଏବେ ଆରମ୍ଭ ହୋଇଯାଇଛି । ଦର୍ଶକ ମଧ୍ୟ ଏହି ଫିଲ୍ମକୁ ନେଇ ଖୁବ୍ ଉତ୍ସାହିତ ଅଛନ୍ତି । ଫିଲ୍ମ ପୋଷ୍ଟରରୁ ନେଇ ଷ୍ଟାରକାଷ୍ଟ ବିଷୟରେ ସବୁ କିଛି ଜାଣିବାକୁ ବ୍ୟାକୁଳ ଦର୍ଶକ ।
ନିକଟରେ ମେକର୍ସ ଘୋଷଣା କରିଥିଲେ କି, ଫିଲ୍ମରେ ଅକ୍କିଙ୍କ ସହ ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫ ମୁଖ୍ୟ ଭୂମିକାରେ ନଜର ଆସିବେ । ଏବେ ଆଉ ଏକ ଖୁସି ଖବର ସାମ୍ନାକୁ ଆସିଛି ଯେ, ଅକ୍ଷୟଙ୍କୁ ମା' ମିଳିଯାଇଛନ୍ତି । କଥାଟି ହେଲା, କି ଫିଲ୍ମରେ ଅକ୍ଷୟଙ୍କ ମା' ଭୂମିକା ପାଇଁ ଅଭିନେତ୍ରୀ ମିଳିଯାଇଛନ୍ତି ।
ପ୍ରକାଶ ଥାଉକି, ରୋହିତ 'ବଧାଇ ହୋ' ଅଭିନେତ୍ରୀ ନୀନା ଗୁପ୍ତାଙ୍କୁ ଫିଲ୍ମରେ ସାମିଲ କରିଛନ୍ତି । ସେ ଫିଲ୍ମରେ ଅକ୍ଷୟଙ୍କ ମା'ଙ୍କ ଭୂମିକାରେ ନଜର ଆସିବେ ।
ଏହି ଅବସରରେ ନୀନା ଏକ ସାକ୍ଷାତକାରରେ କହିଛନ୍ତି କି, ବଲିଉଡ ଫିଲ୍ମରେ ପୂର୍ବରୁ ଯେପରି ମା'ଙ୍କୁ ଦେଖିବାକୁ ମିଳୁଥିଲା ଏବେ ସେହି ମା' ଆଉ ନାହାଁନ୍ତି । ଫିଲ୍ମରେ ତାଙ୍କ ଭୂମିକାଟି ସମ୍ପୂର୍ଣ୍ଣ ଭିନ୍ନ ହେବାକୁ ଯାଉଛି । ସେ ଫିଲ୍ମରେ କେବଳ ପୁଅକୁ ଖାଇବା କିମ୍ବା ବିବାହ କଥା କହିବେ ନାହିଁ ବରଂ ସେ ଅକ୍ଷୟ ଓ କ୍ୟାଟ୍ରିନାଙ୍କ ଜୀବନରେ ମୁଖ୍ୟ ଭୂମିକାରେ ଅଭିନୟ କରିବେ । ରୋହିତ ଏହି ମା' ରୋଲ ପାଇଁ ଭିନ୍ନ ଟ୍ରିଟମେଣ୍ଟ ଦେଇଛନ୍ତି । ସେ ଏପରି ଭୂମିକାର ହିଁ ଅପେକ୍ଷାରେ ଥିଲେ । ତେଣୁ ତାଙ୍କୁ ଏ ଫିଲ୍ମ ମିଳିବାରୁ ବହୁତ ଖୁସି ଅଛନ୍ତି ସେ ।
